Söğüd Ğaräpstan eçke eşlär ministrlığı , uzğan ayda Riyadhta üterelgän amerikan watandaşı Paul M. Johnson'nıñ mäyete tabılğanın belderde. Kileşü nigezendä Riyadhta eşlägän injener Johnson 12nçe iün könne Al Qaidağa qatnaşı bulğan suğşçılar tarafınnan urlanıp soñınnan üterelgän ide. Suğışçılar Söğüd Ğaräpstan räsmilärennän törmädäge Al Qaida totqınnarın çığarunı taläp itte. Taläp ütälmägäç, suğışçılar totıqnı cäzalap üterep, tasmasın internetqa quyğan ide. Uzğan töndä xärbi çara waqıtında Söğüd iminlek köçläre 2 suğışçını atıp üterde häm 3sen yaraladı. Räsmi SPA mäğlümat agentlığı xäbärlärenä qarağanda, iminlek köçläre Söğüd Ğaräpstandağı iñ yuğarı Al Qaida citäkçese sanalğan Saleh äl-Äwfi'nıñ xatının häm 3 balasın qulğa alğan.
