Accessibility links

пәнҗешәмбе, 8 декабрь 2016, Казан вакыты 23:06

Könyaq Korea häm Yaponiä Tönyaqqa-atom programmasınnan baş tartu şartı belän-yardäm täqdim itte


Könyaq Korea prezidentı Roh Moo-hyun häm Yaponiä premyer-ministrı Junichiro Koizumi, Tönyaq Koreanıñ atom programması tiräsendäge krizisnı çişü tırışlıqların tizlätergä qarar itte. Yuğarı däräcädäge oçraşu Könyaq Koreadağı Çeyu utrawında uzdı. Şulay uq Amerika Quşma Ştatları belän dä xezmättäşlek bulaçağı turında xäbär itelde. Könyaq Korea prezidentı Roh, ägär dä Tönyaq Korea üzeneñ atom ambisiälärennän baş tartsa – Seul belän Tokyo aña yardäm itäçäk, dip belderde: "Ägär dä Tönyaq Korea''nıñ atom probleması çişelsä – Könyaq Korea häm Yaponiä berläşep Tönyaqqa yardäm itäçäk. Seul, Könyaqqa urtaq iqtisadi proektlar täqdim itsä, Tokyo şulay uq iqtisadi xezmättäşlek häm diplomatik mönäsäbätlär täqdime belän çığaçaq", dide Könyaq Korea prezidentı. Bügen Amerika Quşma Ştatları däwlät sekratare urınbasarı John Bolton, Tönyaq Korea, Libiä kebek qoral programmalarınnan baş tartqan xäldä – üz kiläçägenä yaxşı "investisiä" yasap, xalıqara cämäğätçelekneñ Pxenyanğa qaraşın tulısınça üzgärtä ala, dip belderde.

XS
SM
MD
LG