Accessibility links

Кайнар хәбәр

Yäşlär arasında ütkärelgän fiker beleşü, alar öçen Putinneñ tügel, ä rok yoldızlarnıñ häm oligarxlarnıñ ideal buluın kürsätte.


Russiädä yäşüsmerlär arasında ütkärelgän fiker beleşü qayber kötelmägän näticälärgä kitergän. 18 belän 24 yäş arasındağı üsmerlär öçen qähärmannar arasında prezident Putin bişençe urın ğına bili. Berençe urınnı rock yoldızları biläsä, ikençe urında oligarxlar tora.

Şuşı fiker beleşü Rusisädä buınnar arasındağı upqınnı tiränäyä baruın kürsätä. Dönyanıñ başqa illärendä dä bu tabiği küreneş bulsa da, yäş russiälelärneñ oligarxlarnı üzläreneñ qähärmanı dip xisaplauları üzençälekle. VTsİOM sotsiologları tarafınan 100 şähärdä 1538 yäşüsmer arasında ütkärgän fiker beleşüneñ näticäsendä, 18 belän 24 yäş arasındağı yäşlär öçen rok yoldızlarınıñ berençe urında, oligarxlarnıñ , uñışlı eşquarlarnıñ ikene urında, sportçılarnıñ öçençe urınnı, ä prezident Putinnıñ bişençe urında toruı açıqlandı. Yukos skandalı säbäple bu näticälär diqqätne cälep itärlek. Elekke xalıq fikeren beleşülär, xalıqnıñ zur küpçelegeneñ xökümätneñ Russiäneñ iñ bay keşese Xodorkovskiygä qarşı kampaniäsen yaqlauın kürsätep kilde. Oligarxlarnıñ ğadi ruslar arasında dusları az digän ğomum fiker bar ide. Ällä bu fiker yalğış mikän? Mona äyye dä yuq dip tä cavap birep bula. VtsİOM xezmätkäre Dmitri Polikanov radibız xäbärçesenä telefon aşa Mäskävdän belderüenä qarağanda, näticälär asılda şaqqatırlıq tügel. SSSR cimerelgännän soñ üskän näsel- materialist. Alar öçen uñış aqça häm istiğmal belän bäyle. Kiñküläm informatsiä çaraları da monı propogandalıy häm älbättä, alar bu ölkädä uñışqa ireşkännärgä xäyran

Audio

İnde ayırım şäxeslärgä kilgändä, beleşüdä qapma-qarşılıq küzgä çağıla. Yäşlär xäyran bulsalar da, küpkenä oligarxlarğa ışanmıylar.

Audio

Polikanovnıñ fikerençä, yäş urslar oligarxlarnıñ tormış ısulına xäyan bulsalar da, alar nindi şäxes kebek bulırğa telävlären açıqça äytä almıylar.

Audio

Yäşüsmerlär arasında ütkärelgän fiker beleşü şulay uq qartıraq buın keşelärenä uñay qaraşnıñ bik ük bulmauın faş itte. Yäşlär ata-analarınnan çitläşä baralar. Polikanovnıñ süzlärençä,

Audio

Qayber sotsiologlar tikşerü näticälären xupladılar. Mäskäv dävlät universitetınıñ psixologiä professorı Aleksander Asmolov Vedomstvi gazetasına birgän ängämäsendä, tikşerülär yäş ruslarnıñ pragmatik buluların häm üz tormış häm karyera öçen cavaplılıqnı üz qullarına alırğa äzer toruların kürsätä dip belderde. Polikanov monıñ belän öleşçä genä kileşä. Älbättä, küpkenä Könbatış illärendä dä, urta sıynıf öçen yaxşı eş urnı, küp aqça, qupşı maşina , zur öy xucası bulu maqsät bulıp tora. Läkin, bolar 18 yäştägelärneñ tügel, ä olıraq yäştägelärneñ maqsäte. Yäş buın küberäk idealist bula. Britaniä premiere Winston Çörçel üz vaqıtında, 20 yäşeñdä liberal bulmasañ, sineñ yörägeñ yuq. 40 yäşeñdä konservativ bulmasañ sineñ başıñ yuq dip äytkän ide. Läkin, Russiädä yäşlärneñ idealizm öçen vaqıtı yuq küräseñ. Sul revolutsionerlarnıñ ikonası bulğan Ce Gevara häm anıñ kebeklär bu xalıq fikeren beleşüdä ber protsent belän iñ azaqta toralar. Monty Pıtonnıñ Aqça cırı moña bik turı kile. Anda süz kesädäge fund sterlig, suıtqıştağı fransuz frankı, qimmätle nemets markı , dolarğa Brookleyn Küperen satıp alu häm dönyada aqça kebek güzäl närsäneñ bulmauı turında bara.

Audio

Färit İdelle, Praga.
XS
SM
MD
LG