Accessibility links

Кайнар хәбәр

Yuganskneftegaz satılsa, YuKOS bankrotqa çığaçaq


“YuQOS” şirkäte, töp neft tabuçı tarmağı bulğan “Yuğansknefteğäz” satılğan oçraqta, üzen bankrot dip ilan itäçäk. Bu xaqta Rusiä xökemätenä, ústisí ministerlığına, mäxkämä icräçeläre xezmätenä häm şulay uq qızıqsınğan wedomostwolarğa bügen cibärelgän möräcäğättä äytelä. Şirkät, rusiä xakímítlarınnan bankrotlıqnı buldırmí qalu yulların tikşerergä täqdim itä. Mäxkämä icräçeläre qararına kürä, YuQOSnıñ salımnar buyınça qup milliradlı burıçın qaplaw öçen “Yuğansknefteğäz” satılırğa tieş. Bügen YuQOS idaräse räise urınbasarı Yüriy Beylin, kiçä şirkätneñ tağın 200 million dollarlıq xisapları tuñdırıldı dip xäbär itte. YuQOSnıñ başqarma mödire Stiwen Tidi Mäskäwdä mäğlümät oçraşuında bolay dide: “Ägär dä başqa yul tabılmasa, bezneñ çığanaqlar tuñdırılu arqasında äşlekle operasílar alıp baru öçen aqça augustnıñ berençe yartısında betärgä mömkin. Soñğı 6 atna äçendä bez xökemättäge törle türälärgä sorawlar häm täqdimnär belän 11 xat yazdıq häm anda tuğan krizisnı caylarğa äzer ikänlekne kürsättek. Ämma qızğanıçqa qarşı, bu xatnıñ bersenä dä räsmi cawap kilmäde”.
XS
SM
MD
LG