Accessibility links

якшәмбе, 11 декабрь 2016, Казан вакыты 11:04

Qazanğa Evropa Şurasınıñ keşe xoquqları komissarı Alvaro Gil Robles kilä


Respublikağa şimbä könne Evropa Şurasınıñ keşe xoquqları komissarı Alvaro Gil Robles kilä. Monda ul Qazannıñ ikençe tikşerü izolyatorında bulaçaq, respublikanıñ keşe xoquqları buyınça wäkile Räşid Wağizov belän oçraşaçaq. Düşämbe, 26 yül könne Tatmedia agentlığında Alvaro Gil Robles jurnalistlar belän oçraşıp, Tatarstanda alğan tä’sirläre belän urtaqlaşaçaq. Qazanda qayber mäğlümät çaraları da keşe xoquqları komissarınıñ kilüenä äzerlänä başladılar buğay. Nik disägez, bu könnärdä gäcitlärdä respublikada keşe xoquqların bozu turındağı yazmalar sanı bermä-ber arttı.

Comğa könne Mintimer Şäymiev respublikanıñ Tatmedia massaküläm kommunikatsiälär agentlığında buldı. Anda ul agentlıqnıñ eşçänlege belän tanıştı, respublika mäğlümät çaralarınıñ däräcäsen kütärü xaqında fikerlär alıştı. Şuşı könne ük Qazanda Milli universitet yazmışı da qaraldı. Premyer-ministr urınbasarı Zilä Wälieva citäkçelegendä universitetnıñ yaña binası tözeleşen tikşerdelär. Comğa kiçen Bötendönya tatar kongressında Yäşlär forumı byurosınıñ çirattağı utırışı uzdı. Yaña saylanğan byuro äğzäläre eşne caylap cibärü häm alda torğan problemalarnı çişü yulları turında söyläşte. 23 yüldä Qazanda finans bazarlarında qatnaşuçılarnıñ berençe töbäkara konferensiäse uzdı. Anda qatnaşuçı 300dän artıq bank, birja, investitsiä kompaniäläre wäkilläre töbäklärdä finans bazarlarnıñ eşçänlege turında fikerläştelär, tatarstanlılar belän täcribä urtaqlaştılar.

Gölnaz İlgizär

XS
SM
MD
LG