Accessibility links

якшәмбе, 11 декабрь 2016, Казан вакыты 03:16

Tatarstan uqıtuçıları avgust kiñäşmäsenä äzerlänä


Şuşı könnärdä respublikanıñ Mäğärif ministrlığında uqıtuçılarnıñ traditsion avgust konferensiäsenä äzerlek bara. Ğädättä anda mäğärif xezmätkärläre älege tarmaqta uzğan yılğı eşlärgä näticälär yasıy, kiläse uqu yılına plannar xaqında kiñäşläşä. Bıyıl avgust konferensiäse Alabuğa şähärendä uzaçaq Böten respublikadan cıyılğan uqıtuçılar, tärbiäçelär Alabuğa mäğärif sistemasınıñ eşçänlege belän tanışaçaq, şähärneñ mäktäp-gimnaziälärendä, uqıtuçılar belemen kütärü, däwlät pedagogiä institutında, mäğärif xezmätkärläreneñ ipoteka yortında bulaçaq. Konferensiä Mäğärifne modernizatsiäläw şartlarında Tatarstannıñ uqu yortlarında innovatsion eşçänlek digän temağa bağışlanaçaq. Cıyılış waqıtında eşläyäçäk 4 seksiädä xäzerge köndä mäğärif ölkäsendä aktual’ bulğan professional belem birü, balalar häm sälämätlek, professional häm ğomumi belem birü oyışmalarınıñ xezmättäşlege kebek temalarğa eşlekle söyläşü baraçaq. Şulay uq uqıtuçılarnıñ bıyılğı avgust konferensiäsendä tuğan teldä özleksez belem alu mä’säläse da qaralaçaq.

Gölnaz İlgizär

XS
SM
MD
LG