Accessibility links

якшәмбе, 11 декабрь 2016, Казан вакыты 14:53

Görcestandağı azärbaycannar birelgän wäğdälärneñ ütälmäwenä qänäğätsezlek belderä


Görcstan Könyaq Osetiädä kontrolen urnaştırırğa tırışqanda, ilneñ könyaqğında Azerbaycannar uqmaşıp yäşägän töbäklärdä kierenkelek üsä. Alar Görcstan prezidentı Saakaşvilinı saylaualdı kampaniäse vaqıtında, regiondağı sotsial şartlarnı yaxşırtu öçen birgän väğdäsen ütämävdä ğäyeplilär. Bu Azerbaycanda da borçılu tudıra häm kürşedäge millättäşlärne yaqlarğa kiräk digän tauışlar işetelä.

Görceçä Kverno Kartli, Azerbaycança Borçalı dip atalğan regionda azerbaycanlılar xalıqnıñ yaqınça yartısın täşkil itä, alarnıñ sanı 350 meñ belän yartı milion arasında dip xisaplana. Soñğı atnalarda Bakuda çığa torğan gazetalarda bu regiondağı azerbaycan mäxälläse citäkçeläreneñ qulğa aınuı, ezärleklänüe turında xäbärlär basılıp çıqtı. Bu xaqta berençelärdän bulıp rus telendä çığa torğan Zerkolo gazetası xäbär itte. Görce xakimiätläre bu ğäyeplävlärne kire qağalar. Kverno Kartlı gubernatorı Soso Mamzişvili radiobız xäbärçesenä bolay dide.

Audio

Azerbaycannar Görcstandağı milli azçılıqlar arasında san yağınan ärmännärdän qala ikençe urında tora. SSSR tarqalğanna soñ ildä kümäk milek xucalığı sisteması beterelsä dä, ütä millätçe prezident Gamsaxurdiä Kverno Kartlıda yäşävçe azerbaycannarğa cir biläv xoquqın birmäde. Bakudağı xökümättän bäysez Borcalı cämğiäteneñ ağzası şağir Borcalınıñ süzlärençä, Gamsaxurdiä urnına xakimiätkä kilgän Şevarnadze dä küpçelek azerbaycannarğa ul mömkinlekne birmägän.

Audio

Ğäyri räsmi mäğlümätlärgä qarağanda, bu töbäktä nigezdä auıl cirlärendä yäşävçe azerbaycannarnıñ 70 protsentı äle dä cir xucası tügel. Alarnıñ sabırı taşa başladı kebek. Martnıñ 9-nda azerbaycanlı piketçelär Saakaşvilineñ Tiflistäge burosı aldında ciılıp , cirneñ Kverno Kartlıda yäşävçelär arasında ğadel itep bülgälänüen, auılarğa borınğı azerbaycan isemnärenen qaytarıluın häm cirle administratsiälärdä üzlärenä küberäk urın birelüen taläp ittelär. Küzätüçelärneñ fikerençä, kierenkelekneñ üsüendä, Tiflistä citäkçelekneñ üzgärüe säbäple tuğan ömet säbäpçe. Saakaşvili dikäber ayındağı saylaualı kampaniäse vaqıtında , töbäktä yäşävçelärneñ säyäsäi häm ictimaği taläplären qänäğätländerergä häm vatandaşlarğa millätlärenä qaramıyça tiñ xoquq birergä väğdä itkän ide. Näticädä anıñ partiäse Martnıñ 28-ndä bulğan saylaularda zur ciñügä ireşte. Çığışı belän Kverno Kartlıdan bulğan Bakudağı advokat Ehsaxan Aşurov yaña citäkçelek xakimiätkä kilgännän soñ Gärcstandağı azerbaycannarnıñ vazğiäte naçarlanmadı, läkin, yaxşırmadı da digän fikerdä.

Audio

Gubernator Mamzişvili cir mäsäläsen xäl qılu öçen çaralar kürelä dip belderde.

Färit İdelle, Praga.
XS
SM
MD
LG