Udmurtiä säwdä ministırlığınıñ respublikada säwdä çeltären üsterü häm xalıqqa bu ölkädä tieşle xezmät kürsätüdä progressiv alımnar qullanıp eş itü buyınça maxsus programması bar. Soñğı yıllarda bu yaqtan respublikada kibetlärendä üzgäreşlär küzgä qurenep tora. Ministırlıq zamança taläplärgä turı kilerlek itep satu urınnarın tözü, cirle tovarlar citeşterüçelärne yaqlaw häm alarnıñ tovarların yuğarı sıyfatlı häm konkurentlı buldıru buyınça säyäsät alıp bara. Säwdä ölkäsendäge üzgäreşlär sizelerlek. Bıyıl ğına da tovarnıñ äyläneşe 14 %qa üskän. Tovarlarğa bäyälärne kimetü, kreditqa satu kebek alımnar qullanu — uz çiratında xalıqqa audio—video produktsiäsen, başqa texnika cihazların satıp alırğa mömkinlek birde, dip urtaqlaştı jurnalistlar belän oçraşu waqıtında säwdä ministrı Ponomarev. Ä säwdägärlärgä bügen eşläwe niçek soñ. Bu sorawğa cawapnı İjaw şähäre Lenin rayonınıñ 13 sanlı kibeteneñ tovarlar belän tä'min itü bülege citäkçese Rämziä xanım Ğarayıwa birde. «… Çat sayın kibet, elek satıp aluçı kibetçe küzenä qarap torsa, xäzer satuçılar kibetkä kergän keşe küzenä qarıy, tovar satılsa kerem bula… Tovarlarnı saylap alu mömkinlege bar, törle firmalardan wäkillär üzläre kilep tovarların täqdim itä… Kibettä xezmätkärlärne eşkä alu da problema tügel. Yäşlär uqıp kilä… »
Xamidä Ğayfullina, İjaw
Xamidä Ğayfullina, İjaw
