Accessibility links

чәршәмбе, 7 декабрь 2016, Казан вакыты 21:29

Sudandağı ğısyançılar ilneñ xökümäte belän söyläşülärgä äzer buluın äytä


Xartum, New York. Berläşkän Millätlär mäğlümatına qarağanda, Sudannıñ könbatışında yatqan Darfur töbägendäge ike töp ğısyançı törkem ilneñ xökümäte belän söyläşülärgä äzer buluın beldergän. Afrika Berlege häm BMO wäkilläre xäzer, şul söyläşülärneñ yañartıluın tikşerü öçen Sudan xökümäte belän bäyläneşkä kerergä tieş. İkeyaqlı söyläşülär uzğan atnada, Darfur ğısyançıları alarnı taşlap çığıp kitkännän soñ tuqtatılğan ide. Sudannıñ könbatışında 2003-neñ başınnan birle, andağı ğısyançı xäräkäte häm xökümät ğäskärläre arasında qorallı bäreleşlär bara. Şular näticäsendä anda 30 meñläp keşe hälak buldı, millionnan artığı torğan cirlären taşlap kitte. Quşma Ştatlar Kongressı Darfurdağı humanitar faciğäne "genotsid" dip bäyälägän belderü qabul itte, Sudan xökümäte monı kire qaqtı.

XS
SM
MD
LG