Minski, Mäskäw. Şimbä könne räsmi Mäskäw, Rusiä däwlät telekanalınıñ Belarus' başqalasındağı bülekçäse tizdän yañadan açılır digän ömettä toruın belderde. Ber kön elek şul bülekçä Belarus' xakimiate tarafınnan yabılğan ide. İlneñ tışqı eşlär ministrlığı monı, RTR telekanalı xäbärçese Dmitri Petrovnıñ prezident Lukaşenkağa qarşı ütkärelgän cıyında qatnaşuçılar sanın arttırıp kürsätüe belän añlattı. Räsmi Minski Rusiä telekanalınnan ğafu ütenüne taläp itte. İTAR-TASS agentlığı bügen Rusiä tışqı eşlär ministrlığı wäkileneñ, ğadi ber xäbär şundıy kisken çaralar kürügä kiterä almıy dip äytüen xäbär itte.
