Anda ildäge çit il keşelären häm xäzer inde Ğiraqnıñ waqıtlı xakimiate wäkillären dä urlaw häm alarnı azat itü öçen säyäsi taläplär quyu köndälek waqiğägä äylände. Pakstan, älegä bernindi törkemneñ dä üze belän elemtägä çıqmawın äytsä dä, başqa şundıy oçraqlar sürätendä bu yulı da süzneñ, näq menä Ğiraq ğısyançıları tarafınnan urlanu turında bara aluı ixtimal. Alar monı ğädättä, Ğiraqta üz watandaşların totqan çit illärne kiçekmästän ilne taşlap kitügä etärü öçen eşli. Häm qaywaqıtta alarnıñ şul taläpläre belän uñışqa ireşüe häm mäğlümat çaralarınıñ monı kiñ yaqtırtuı, Ğiraq ğısyançıların tağın da qıyulandırıp, alarnı yaña urlawlarğa ruxlandıra digän qaraş nığıy bar. Radikal'' islamçılarnıñ älegä qädär bilgele bulmağan "Täwhid" törkeme, üzen "äl-Qaidä"neñ Yevropa bülekçäse dip iğlan itep, Avstraliä häm İtaliä Ğiraqtağı ğäskärlären annan çığarmağan oçraqta şul illärdä terror başlap cibärü belän yanıy. Bu xaqta alar üzläreneñ İnternettağı säxifäsendä xäbär itä. "Täwhid" törkeme, Avstraliä häm İtaliä, üz ğäskärlären Ğiraqtan inde çığarğan İspaniä häm Filippin artınnan iärergä tieş digän taläp quya. Şuşı törkemneñ çınbarlıqta bulu-bulmawı älegä açıqlanmasa da, Avstraliäneñ tışqı eşlär ministrı Alexander Downey, anıñ yanawları citdi alına dip belderde.
Audio, Alexander Downey
"Bu atnağa qädär min andıy oyışmanıñ buluı xaqında berni dä belmi idem, Avstraliäneñ iminlek xezmäte xäzer monı tikşerä, läkin bez anıñ bar yanawların da bik citdi qabul itäbez" di Avstraliä tışqı eşlär ministrı. Läkin ul berük waqıtta, şuşı yanawlarğa qaramastan il üzeneñ säyäsäten üzgärtmäyäçäk dip belderä.
Audio, Alexander Downey
"Avstraliä bar dönyağa şunı äytä - bez yanawlarğa baş imiäçäkbez. Ägär dä bez üz tışqı säyäsätebezneñ törle yanawlar belän bilgelänüenä yul quysaq, bez terrorçılarnı tağın da qıyulandıraçaqbız ğına. Häm älbättä, ägär dä bez alarnı şulay köçle itäbez ikän, alar tağın da dähşätle wä uñşılı ğına bulaçaq" di Alexander Downey, Avstraliäneñ tışqı eşlär ministrı, islamçılarnıñ üz ilenä yanawı turında. Anıñ fikerençä, terrorçılarnı, alar quyğan taläplärne ütäp ciñep bulmıy. Bu uñaydan Downey, İspaniä häm Filippinnıñ terrorçılar taläben ütäw ölkäsendäge säyäsäte alarnı şul taktikasın tağın da kiñräk qullanuğa etärde, tağın da nığraq qüwät birde dip isäpli. Atna azağında Süriädä bulıp kitkän İyäd Ğälläwi, Ğiraqnıñ waqıtlı premyer-ministrı da, näq şundıy uq fiker beldergän ide.
Audio, İyäd Ğälläwi
"Terrorçılar belän eş itüneñ barı tik ber genä yulı bar - alarnı cawaplılıqqa tartu häm bu mäs''älädä berdäm bulu" di Ğiraq premyer-ministrı.
Kärim Kamal
Audio, Alexander Downey
"Bu atnağa qädär min andıy oyışmanıñ buluı xaqında berni dä belmi idem, Avstraliäneñ iminlek xezmäte xäzer monı tikşerä, läkin bez anıñ bar yanawların da bik citdi qabul itäbez" di Avstraliä tışqı eşlär ministrı. Läkin ul berük waqıtta, şuşı yanawlarğa qaramastan il üzeneñ säyäsäten üzgärtmäyäçäk dip belderä.
Audio, Alexander Downey
"Avstraliä bar dönyağa şunı äytä - bez yanawlarğa baş imiäçäkbez. Ägär dä bez üz tışqı säyäsätebezneñ törle yanawlar belän bilgelänüenä yul quysaq, bez terrorçılarnı tağın da qıyulandıraçaqbız ğına. Häm älbättä, ägär dä bez alarnı şulay köçle itäbez ikän, alar tağın da dähşätle wä uñşılı ğına bulaçaq" di Alexander Downey, Avstraliäneñ tışqı eşlär ministrı, islamçılarnıñ üz ilenä yanawı turında. Anıñ fikerençä, terrorçılarnı, alar quyğan taläplärne ütäp ciñep bulmıy. Bu uñaydan Downey, İspaniä häm Filippinnıñ terrorçılar taläben ütäw ölkäsendäge säyäsäte alarnı şul taktikasın tağın da kiñräk qullanuğa etärde, tağın da nığraq qüwät birde dip isäpli. Atna azağında Süriädä bulıp kitkän İyäd Ğälläwi, Ğiraqnıñ waqıtlı premyer-ministrı da, näq şundıy uq fiker beldergän ide.
Audio, İyäd Ğälläwi
"Terrorçılar belän eş itüneñ barı tik ber genä yulı bar - alarnı cawaplılıqqa tartu häm bu mäs''älädä berdäm bulu" di Ğiraq premyer-ministrı.
Kärim Kamal