Accessibility links

шимбә, 10 декабрь 2016, Казан вакыты 08:04

Tatar yäşlär forumı citäkçelege eşne başlıp cibärde


Tatar yäşlär forumı şawlap-gärläp ütep kitkänenä ber 1 ay tuldı. Forumda saylanğan byuro äğzäläre inde ikençe oçraşuların ütkärep, eşli başladı. Byuroğa yıraq çit il wäkilläre dä kergännärgä kürä, älegä oyışmanıñ Qazan bülege genä daimi cıyılıp eş alıp barırğa kileşte.

Şulay itep, 23 iyül kiçäsendä Tatar Kongressınıñ utırışlar zalında, olılar tügel, ä yäşlär cıyılıp söyläşte. Räis urınında, forumda saylanğan citäkçe Azat İslaev utırdı. Östäl artında byuro äğzäläre – yäşlär oyışmaları citäkçeläre urnaştı. Utırışnıñ kön tärtibenä 12 mäs’älä täqdim itelgän ide, cıyılış barışında başqa mäs’älälär dä tikşerelde. Berençedän, yäşlär, oyışmaların räsmi töstä terkärgä cıyına, ikençedän, internet sayt yasarğa teli, öçençedän, başqa yäşlär oyışmaları belän xezmättäşlek qorırğa niätlilär. Byuro utırışında şulay uq, Qazan bülege qarşında komissiälärne oyıştıru turında da süz bardı. Milli mäğärif, ruxi miras, eşmäkärlek, xoquq, xalıqara xezmättäşlek, cämäğätçelek belän elemtä häm informatsiä komissiälärenä cawaplı keşelär bilgelände. Qazandağı yäşlär, internet aşa çittäge tatar yäşläre belän elemtädä toralar häm älege utırışta tatforum.at.tt adresında urnaşqan internet forumnı, yäşlärneñ oyışma eşçänlege xaqında fiker alışa torğan räsmi urını dip iğlan itärgä kileştelär. Şunıñ belän bergä, Nicğar yegeteneñ yärdäme belän tatar yäşlär saytın yasaw da küz aldında totıla. Xäl itelergä tieşle tağın ber mäs’älä - tuğan telne saqlaw probleması, dip sanala. Yäşlär anıñ xaqında da uylanalar, läkin bu utırışnı urısça alıp barırğa uylağannar. «Çittäge tatarlar añlasın öçen», dide Azat İslayev. İnternet forumnarğa yazuçı tatar yäşläre üteneçe belän, älege utırışnıñ audio tasması, berär internet saytqa kertelep, teläse kemgä tıñlar öçen täqdim iteläçäk.



Bikä Timerova.

XS
SM
MD
LG