Accessibility links

дүшәмбе, 5 декабрь 2016, Казан вакыты 21:53

AQŞlarında Demokratlar Partiäseneñ 4 könlek qorıltayı başlandı


Düşämbedä AQŞlarında töp opozitsiä partiäse Demokratlarnıñ qorıltayı başlandı.Boston şährendä 4 kön däwam itäçäk cıyın belän New Meksiko gubernatorı Bill Richardson citäkçelek itä. Ul Azatlıqqa qorıltayda bez G.Bushnıñ beryaqlı xäräkäte tışqı säyäsättä xatalarğa säbäp buldı dip kürsätüne mäqsat itep quyabız , prezident namzäte John Kerry xalıqara mäsälälärdä AQŞnıñ statusın qaytaru eşen kütärep çığaçaq dip belderde

Yaqınça 4 yıldan birle xakimiättän çittä torğan demokratlar partiä qorıltayında üzläreneñ tışqı säyäsät häm milli iminlek mäsäläsendä kompetensiälären kürsätergä cıyına. Partiäneñ ilbaşına namzät itep kürsätäçäk senator John kerry Ğıraqta köç qullanuğa doğa fatixasın birgän bulsa da, Ğıraq säbäple BMOdan çitläşkän Bush administratsiäsen nıq tänqitläde.Ul şulayuq administratsiä qorallı köçlärne berdä uylamıy qullana dip äytte. Demokratlarnıñ qorıltayı belän citäkçelek itäçäk Nyu Meksiko gubernatorı Bill Richardson radiobızğa bez administratsiäneñ ber yaqlı säyäsätenä tiskäre bäyä biräçäkbez dide . Richardson (audio) Demokratlar ägär dä Amerika berektäşleklärgä, NATOğa BMOğa bäyä birä ikän ul ber yaqlı bulmasqa tieş dip basım yasıyaçaqbız. Problemanı çişüdä berençe çiratta aña küp yaqlı xäl çarası tabıp bulamı dip qarıyaçaqbız, Bulmasa älbättä bez ikeyaqlı yäki ber yaqlı çişü çarasın qarıyaçabız dip äytte Konservativ qaraşlarnı çağıldırğan American Enterprise İnstitutı säyäsi analitığı Norman Ornstein qaraşınça demokratlarnıñ köçle, açıq tışqı säyäsät strategiäse qorıltayda yaxşı qabul iteläçäk.. Qorıltay citäkçese Richardson demokratlar milli iminlek säyäsäten energie säyäsätenä bäyliäçäk di. Bush administratsiäse senatta tuqtalıp qalğan energie qanunı proyektında AQŞnıñ çit il enegie çığanaqlarınnan bağlılığın kimetäçäk çaralar bar dip belderä. Proyektta bio diesel çista kümer häm etanol täräqi itkän şirkätlärneñ salımnarın kimetü küzdä totıla.Ämma administratsiä bu säyäsät öçen energie industriäse belän nıq xezmätäşlek itkäne öçen demokratlar häm tabiğatnı saqlauçılarnıñ höcümnärenä duçar bula. Richardson tängäl energie säyäsäte milli iminlekneñ nigez taşı dip äytä. Säwdä mäsäläsendä Demokratlar arasında fiker ayırmalığı bar. J.Kerryneñ vitse-prezidentlıqqa namzät itep saylağan senator John Edwards prezident primarielärendä protektionisma ähämiät birde här daim eş urınnarın çit illärgä yuğaltuğa basım yasadı. Kerry isä qısqartılıp NAFTA dip yöretelgän Tönyaq Amerika İrekle Säwdä kileşüen yaqlasa da, ul kilçäktä säwdä partnörlarınnan nığıraq xezmät häm tirä yün standartları taläp itäçäk dip äytte. Richardson partiä qorıltayında sewdä turında yaxış debatlar bulaçaq dip kötä (audio)Min demokratlar partiäseneñ irekle säwdä qanatında toram , qayberäwlär irekle säwdä NAFTA häm başqa kileşülär säbäple küp kenä eş urınnarı çit ilgä küçte dip uylıy. Min alay qaramim. urtaçıl säwdä qanatında toruçılar köçle xalıqara eş itkän Amerikanı yaqlayaçaq Minemçe NAFTA minem ştatım kebek çik buyındağı ştatlarda häm başqa urınnarda bik küp eş urını açuğa kiterde dip söyläde gubernator Richardson. Partiä aktivistları 4 könlek qorıltay waqıtında saylawçılar Kerry häm anıñ säyäsäte turında kübräk öyräner dip ömed itä. Kerry qorıltaynıñ sonğı kiçende 29da çığış yasayaçaq

färidä xämit,praga
XS
SM
MD
LG