Accessibility links

җомга, 9 декабрь 2016, Казан вакыты 13:06

KDU sınawları niçek uza?


Cäyneñ iñ qızğan çağında abiturientlar, ğädättägeçä, tormış sınawların ütärgä yärdäm itüçe soñğı uqırğa kerü imtixannarın tapşıra. Qazan däwlät universitetında imtixannar iyülneñ axırına qädär baraçaq. Universitetnıñ unsigez fakul'tetına köndezge byudjetlı uquğa barlığı biş meñnän artıq keşe ğariza birgän. Şul isäptän 1700dän artıq medalist. Kontraktlı uquğa riza bulğan sigez yöz abiturient arasında isä medalistlar sanı 114кә citkän. Abiturientlar saylağan fakul'tetlar arasında iñ populyar ekonomika fakul'tetı, ä bigräk tä menedjment häm rus jurnalistikası fakul'tetları buldı. Bu fakul'tetlarda ber urınğa unar keşe turı kilgän. Şulay uq ğarizalarnıñ kübese yurisprudensiä häm psixologiä fakul'tetlarına tapşırıldı. Xäzer soñğı imtixannar birelä, iñ kierenke waqıt citkän.
Tatar jurnalistikasınıñ byudjetlı uquına 75 keşe, şul isäptä 26 medalist ğariza birgän. Yılına 23 meñ sum aqça tüläp uqırğa sigez keşe riza bulğan. Berençe imtixannı uñışsız birgännärneñ dä köndezge uquda uqırğa mömkinçelege östälde, çönki alar kontraktlı uqu yulın saylıy alalar. Bügenge köndä jurnalistika fakul'tetında imtixannar tämamlansa da kerü balı äle bilgele tügel. Bu fakul'tetnıñ icadi konkurs, tatar telennän inşa, rusça izlojenie kebek kerü imtixannarın uñışlı ğına birgän abiturientların möğayın tağın ber sınaw kötä. Älege bülektä konkurs bik zur bulmasa da, anda ber urınğa biş abiturient turı kilä, imtixannar ilägen uñışlı ütüçelär sanı şaqtıy qalğan.
Abiturientlarnıñ uraq öste tämamlanıp kilä, ämma kemneñ küpme uñış cıyğanın berençe avgusttan soñ elenäçäk rektor prikazları kürsäter. Xäzergä ömet açqıçı bulıp proxodnoi bal digän serle töşençä xezmät itä.
Al'bina Zäynulla, Qazan.

XS
SM
MD
LG