Tatarstanda Başqortstan tatarları könnären ütkärü-ütkärmäw respublikada yäşäwçe tatar cämägätçelegeneñ iğtibar üzägendäge mäsälägä äylände. Çaranı oyıştıru komissiäseneñ ber törkem äğzaları Qazanğa barıp qaytu da açıqlıq kertmäde. Bügengä qädär anı ütkärü köne häm programması xäl itelmägän.Cämägätçelektä çara bulmayaçaq digän fikerlär dä bar. Alar soñğı çorda ike respublika prezidentı xakimiäte başlıqlarınıñ oçraşuları , duslıq ceplären nığıtu eşläre başlanğan ber çorda Başqortstan tatarları könnären ütkärü mömkin tügel digän uyda. Yağni , Başqortstan-Tatarstan duslığı Başqortstan tatarınıñ yazmışına Qazan küz yomğan oçraqta ğına urnaşa ala , dip sanıy andıy fikerdä toruçılar. Tulıtaq mäğlümat Azatlıqnıñ sişämbe tapşıruında.
Respublikada soñğı atnalarda ğäyät qızu könnär torğannan soñ temperatura berniqädär töşte. Bıyılğı cäyneñ esselek rekordı Salawatta küzätelgän. Esselek anda 36.4 gradusqa citkän. Soñğı ike köndä köçle yäşenle yañğırlar , boz yawu oçraqları buldı. Bu ayıruça Ural artı rayonnarına zur zıyan salğan. Baymaqta yawğan boznıñ zurlığı 3 santimetrğa citkän. Rayonnıñ “Ural“ xucalığında igen awğan. Xalıqnıñ bäräñge, yäşelçä-cimeşläre , öy tübäläre zıyan kürgän. Baymaq rayonınıñ Çaqmağış buası buyınnan ütep barğan atlı 20 yäşlek yegetne atı belän bergä yäşen suğıp ütergän. Älege rayonda soñğı ike yıldağı bu öçençe oçraq.
Mönir Wafin , Ufa
Mönir Wafin , Ufa
