Demokratlarnıñ 5meñ wäkile , 15meñ taraftar häm 15meñ jurnalistnıñ qarap barğan 4könlek qorıltaynıñ berençe könendä eleke prezident Bill Clinton Bushnı ciñü suğışında ğäskär bulaçağın äytep Kerryne yaxşı keşe, buldıqlı senator,aldan kürüçü citäkçe itep taswirlap (audio)
Bez dawıllı dingezlärdän tınıç sularğa açıq küklärgä alıp çığaçaq korapqa yaxşı , qıyu kapitan saylarğa tieşbez. Bu bezneñ missiä. Äydägez bergäläp Amerikanlarğa köçle häm açıq tawış belän '' John Kerryne cibäregez'' dip äytik
Qorıltayda çığış yasauçılar Kerryneñ Amerikanı iminräk, bayraq il xälenä kiterü, Bush administratsiese säbäple kirenkelängän berektäşleklärne yañartu turında birgän wäğdäläre turında söyläde. 1977 belän 81nçe yıllar arasında prezident bulıp torğan Jimmy Carter Bushnıñ Ğıraqqa suğış başlatu qararın tänqitläp, citäkçeläre xata yasasa, Quşma Ştatları citäkçelek itä almıy , Bush säyäsäte amerikannarnı qotıplaştırdı ,AQŞnıñ berektäşlären açulandırdı dip äytte Carter süzlärençä(audio)
AQŞları berektäşlären çitläşterde , dusların açulandırdı,tınıçsızlandıruçı pre-emtiv suğış strategiäse belän doşmannarın şatlandırdı. Berektäşlärebez tarqalğan, dönyanıñ bezgä açuı çıqqan, yaqın könçığış yaña, terrorğa qarşı global suğışta tormışnı canlandırıp cibärü öçen bezgä John Kerry kiräk
Jimmy Carter şulayuq Kerrynıñ ütkändäge xärbi uñışların da telgä aldı. Bilgele bulğança Kerry Vietnamda suğışqan, büläklängän qähärmän, Bush isä ul çaqta AQŞ milli gvardiäsendö öydä xezmät itte. Carter(audio) John Kerry ikelänmiäçägen Vietnamda isbatlağan inde . Milli iminlekne yaqlauın isbatlağan John Kerry kiräkmägän suğışlarnı buldırmıy qalıp terrorğa qarşı global aliansnı nığıtaçaq dide
2000nçı yıldağı saylaularda Florida ştatında bülletännär säbäple kilep çıqqan bäxäs AQŞ yuğarı mäxkämäsendä xäl itelgännän soñ , saylaularda yuğaltuçı dip iğlan itelgän vitse prezidnet Alö Gore düşämbedä qorıltayda yasağan çığışında (audio)
2000nçe yılnıñ näticäse belän qänäğät bulmauçılarnıñ bu xislärne yañadan xäterläwlären telim.Ämma min sezneñ bu xislärne minem kebek John Kerry häm John Edwardsnı Aqyortqa urnaştıru öçen tulısınça qullanuların telim dip äytte.
Qorıltayda şulayuq eleke first lady Ny senatorı Hillary Clinton da çığış yasadı.2008nçe yılda üze ilbaşı urını öçen yarışaçaq digän xabärlär yöregän Hillary älegä waqıtta üz ambitsiäläre turında ber närsä dä äytmi Kerry öçen ilbuylap çığışlar yasıy aqça cıya.
AQŞnıñ töp opozitsion partiäse demokratlar ğädättä üzaralarında parçalanğan bulsa da, äle alar barlıq fiker ayırmalıqların çitkä quyıp Kerry häm vitse prezident namzäte senator John Edwards öçen tırışa. Fiker beleşülärdä älegä Bush belän Kerry arasında ällä ni zur ayrıma yuq. Kerry belän Edwards qorıltayda räsmi räweştä prezident häm vitse-prezidentlıqqa namzät itep kürsätelgännän soñ atnakiçtä notıq tota.Sişämbedä qorıltayda Kerrynıñ xatını Tereza Heinz Kerry häm prezident Kennedynıñ ber tuğanı Massachusett senatorı Edward Kennedygä dä süz birelä
feride xämit,praga
feride xämit,praga