Rusiä kommunistları firqäseneñ Başqortstan bülekçäse kiñäşmä ütkärde. Anda firqädäge büleneşlär turında süz bardı. Älege büleneştä töp ğäip Zyuğanovta buluı bilgelände. Zyuğanov urıs millätçelege , patriotizm belän genä şöğellänep firqa prinsplarınnan taypıluı assızıqlandı. Firqäneñ Başqortstan bülekçäse älege mäsäläne 14nçe augustta bulaçaq plenumda da tikşeräçäk.
Başqortstanda zamanında GDRnıñ tışqı razwedqasın citäklägän Marqus Wol'f bulıp kitte.Wol'fnıñ razwedçik qaryırasınıñ tamırları Başgqortstan belän bäyle.Ul 1943 nçe yılda razwedçiklar äzerläw buyınça Qomintern qarşındağı maxsus mäktäpne tämamlağan.Ul yıllarda älege mäktäp Başqortstannıñ Quşnarenqo awılına küçerelgän bula.Marqus Wol'f yäşlek ezläre buyınça yörep Quşnarenqoğa da säfär qılğan , läkin aña üze uqığan binanı kürü bäxete timi.Çönki bina 10 yıl elek yanıp betkän bula. Bolar xaqında “Arğumentı i faqtı“ gäziteneñ Başqortstan quşımtası yazıp çıqtı.
Başqortstannan xärbi xezmätkä çaqırılğan ber yeget iptäşe belän terekömeş satqanda qulğa alınğan. Mäskäw ölkäseneñ Şelqowo rayonı Mininä şähärendä xezmät itüçe bu ikäw xezmät itkän urınınan 4 kiloğramm terekömeş urlap , şunı satıp aluçı ezli. Bu xaqta militsiä işetep , satıp aluçı bulıp , qulğa ala.
Mönir Wafin , Ufa
Mönir Wafin , Ufa
