Accessibility links

шимбә, 3 декабрь 2016, Казан вакыты 18:46

Tübän Novgorod ölkäsendä Räşid Wahapov häm Xäydär Bigiçevlarqa bağışlanğan cır festivalläre ütte


Uzğan atna axırında tatarnıñ ike böyek cırçısı Räşit Wağapov häm Xäydär Begiçevnıñ tuğan cirendä, Tübän Novğorod ölkäsedä şuşı cırçılarğa bağışlanğan cır festivalläre bulıp ütte. Räşit Wağapov festivale bıyıl Tatarstannan başlanğan ide. Xäzer inde ul estafeta cırçınıñ tuğan yağına kilep citte. Soñınnan Mäskäwgä, Finlyändiägä, Yekaterinburğa, ğomümän tatarlar küpläp yäşägän töbäklärgä barıp citär dip faraz itelä. Ä inde Xäydär Begiçevqa bağışlanğan cır bäyrämen anıñ tuğannarı Çömbäli awılında cırçınıñ 55 yäşe tuu uñayınnan xäter köne itep oyıştırğannar. Xäydär Begiçevqa bağışlanğan andıy oçraşular Mäskäwdä dä, tuğan yaqlarında da yıl sayın ütkärelä. Menä 3 yıl rättän inde Mäskäwneñ Köräş federätsiäse Xäydär Begiçev istälegenä bäygelär dä ütkärep kilä. Tübän Novğorod ölkäsendä ütkän zur külämle bu çarağa Tatarstannan da Mäskäwdän dä küp sanlı deleğäsiä bardı. Tatarstannan kilgännär arasında Xäydär Begiçev belän bergä eşlägän cırçılar, Zilä Sönğatullina, Mönir Yaqupov, jurnalistlar, şağirlär yazuçılar barlığı utızdan artıq keşe kilgän ide. Mäskäwdän milli mädäni möxtäriäte äğzäläre, cırçılar Roza Xabibullina, Xäydär Begiçevnıñ señlese Xalidä Begiçewä da bu märtäbäle cır bäyrämendä qatnaştı. Milli mädäni möxtäriät räise urınbasarı rässäm Kärim Şaqirov cırçınıñ räsemen üze yazıp, Xäydär Begiçevnıñ Çömbäli awılındağı muzeyenä büläk itep tapşırğan. Bu ike cırçınıñ festiwalen oyıştıruda ike cırçınıñ da tuğannarı bik aqtiv qatnaştı. Şularnıñ berse Xäydär Begiçevnıñ bertuğan abıysı Nail Begiçev. Anıñ süzlärenä qarağanda Xäydärneñ moñı tuğan yaqlarında mäñge yäşäsen öçen bu oçraşular yıl sayın bulırğa tieş.Räşit Wağapov festivale oyıştıruçılar Böten dönyä Tatar kongressı häm Qazanda Tubän Novğorod yaqtaşları oyışmasın oyıştırğan Tatarstan jurnalı baş redaqtorı, şulay uq Räşit Wahapov turındağı kitap autorı Rifat Fattaxov ta festiwäl xaqında söyläde. Bötendönya tatar kongressı başqarma komititı bu eşlerne başlap yörüçelärneñ berse. Mondıy oçraşular xalqıbıznıñ mädäniätın üsterergä, göref ğädätlären qaytarırğa mömkinlek birä. Xalıqnı bergä tuplıy di, Tatar kongressınıñ başqarma komitetı räise Renat Zaqirov Ul xattä mondıy festivallär yübiley uñayennan ğına tügel. Yıl sayın ütkärelergä tieşle dip sanıy.

Näzifä Kärimova, Mäskäw

XS
SM
MD
LG