Accessibility links

якшәмбе, 11 декабрь 2016, Казан вакыты 03:36

Köyenerbezme, söyenerbezme?


Tağın avgust başı citä.Tağın cırçı Salawat Fätxetdinov Qazan säxnäsendä 2 atna buyı xäkimlek itäçäk. Anıñ yıl sayın berär yañalıq belän xalıqnı şaqqattıra torğan ğädäte bar. Ber yılnı ul tamaşaçını su buyına qomlıqqa alıp kitsä, ikençe yılnı Qazan şähäreneñ timer yulında qarşı ala , qayber yılnı awıldağı xällär turındağı cırlar belän tamaşaçınıñ huşın alsa, bıyıl närsä belän tamaşaçını üzenä qaratır ikän digän uylar belän ezläp kittem Salawatnı. Bıyıl anıñ konsertları ütäçäk “Uniks” konsertlar zalında repetitsiälär uzmıymı dip, şunda kittem. Ämma monda bernärsä dä belep bulmadı. İmeşter, Salawat İdel buyındağı daçasında yaña programmasın çarlap yata ikän, kemnärdänder, ul repetitsiälären Çallıda uzdıra ikän, digän farazlar işetergä turı kilde. Ä bilet bäyäläre bıltırğıça qalğanı, anısı yaxşı, ä eçtälege uzğan yıllardağı qabatlansa qızıq bulmas ide. Şunısı iskä töşte, Salawat bıyıl tatar xatın-qızlarınıñ onıtılıp bara torğan isemnärenä iğtibar kürsätäçägen belderä. İx, içmasam isemem dä ul saylağan isemnär arasında yuq bit.Bälki berär büläk kötär ide mine. İnde 30 iyül könne kassağa şaltıratıp beleşkän idem: “Apparaturaların quya başladılar, Ä Salawat üze äle kürenmi”,- diep xäbär ittelär.Ul şulay yıl sayın tilmertä inde. Konsertınıñ eçtälegen nindi bulaçağın zur ser itep saqlıy. Şulay bulsa da anı tamaşaçı yarata şul. Salawat Fätxetdinov ozın tatar xalıq köylären zamança häm törle muzıka qoralları yärdämendä nindider ber garmoniägä köyläp, aña üzeneñ mawıqtırğıç, irlärgä xas bariton tawışı häm moñlı tembrı belän quşılıp, tamaşaçınıñ küñelen yawlıy. Qayberäwlär , äy, yalqıttı inde Salawat konsertları dip äytsälär dä,ber ike kön anıñ tawışı işetelmi başlasa,Salawat qayçan säxnägä çığa inde, - dip anı tağın yuqsına başlıylar. Bıyıl inde ul säxnägä maşina belän kilep çıqmas ta mikän äle? Çönki bıyıl ul küptän tügel Xalıqara Avtokrossta qatnaştı, Salawatqa Xalıqara sport ostası digän isem birelde. Şulay itep tamaşaçı törle farazlar qora. Ä Salawatnı bügenge köngä qädär Qazanda tabıp bulmıy.Ällä Salawat säxnägä çıqqanda da avtodromda yarışqa çıqqandağı kebek bu çabışnıñ ni belän tämamlanğanın belmi mikän?

Mälikä Basıyr,Qazan.

XS
SM
MD
LG