John Kerry saylaw aldı kampaniäsen Amärikanıñ citäkçel rolen torğızu, xalıqara berektäşleklärne yañartu häm terrorğa qarşı täsirleräk köräş alıp baru wäğdäläre belän başlap cibärde. Demokratlarnıñ räsmi namzäte bularaq John Kerry yasağan berençe çığışınıñ yartısı milli iminlek häm Ğıraq mäsäläsenä bağışlandı.2002nçe yılnıñ üktäberendä Saddamnı bärep töşerü öçen tawış birgän Kerry , Bushnı ilne suğışqa alıp baru häm suğıştan soñ Ğıraqtağı wazğiät öçen planı bulmawda ğäyepläp çıqtı . Kerry (audio)
min prezident bularaq bu ilneñ küptänge xörmät itelgän traditsiäsen kire kiteräçäkmem: AQŞları bez telägän öçen ber qayçan da suğış başlatmayaçaq, bez suğışqa mäcbür bulğan öçen genä baraçaqbız dip belderde.
Prezident kandidatı wazıyfasına başlağaç ta berençe eş bularaq 11nçe sintäber komissiäse kiñäş itkänçä, küzläw sistemasın reformalıyaçaq,Dönyanıñ törle urınnarında basım astında torğan AQŞ köçlärenä 40meñ aktiv xärbi östiäçäk dip söyläde. Ğıraq mäsäläsendä isä ul berektäşlär belän mönäsäbätlärne cayğa salıp,alarnı finans häm iminlek yögen büleşergä öndiyäçäkmem dide. Terrorğa qarşı nığıraq suğış alıp barırğa qararlı bulğan Kerry arsenaldağı här törle qoralnı şulsanda iqtisad, xärbi köç,prinsıplarnı şulayuq qoral köçen dä qullanaçağın belderde. 4könlek qorıltayğa qatnaşuçılarnıñ Bush administratsiäsen tänqitläwlären çağıldırıp Kerry(audio)
Min qorallı köçlärneñ komandirı bularaq ber qayçan da ilne suğışqa alıp barmayaçaqmım. Minem vitse prezident ber qayçan da tirä yün qanunnarın üzgärtep yazu öçen tabiğatne pıçratuçılar belän yäşren cıyılışlar ütkärmiçäk Minem saqlanu ministırım xärbi citäkçelärneñ kiñäşen tıñlayaçaq. Min AQŞ konstitutsiäsenä kileşle xäräkät itkän yustitsiä ministırı bilgeliäçäkmem dide.
Prezident namzäte energie säyäsäten milli iminlek mäsäläsenä bäyläp qarıyaçağın äytep, AQŞnıñ yaqın könçığış näftenä tayanuı, anı xärbi häm iqtisadi yaqtan qurqınıç astında qaldıra dip äytep(audio)
Min Suğutlarnıñ patşa ğailäsenä tügel ä üz hönär, icadlarına tayanğan Amerika telim dide
Kerry atna buyınça alıp barğan kampaniädä alternativ energiä çığanaqları tabarğa, benzinnan başqa yağulıq qullanğan maşınalar täräqi itergä çaqırdı. Amerikannar fiker beleşülärdä Kerryne yaxşıraq belergä telibez dip äytkän ide. Senator kiçä üzen ğailä keşese, patriot häm täwäkkäl citäkçe itep taswirladı. Qorıltaynıñ sonğı könendä Kerry taraftarları anıñ Vietnam suğışındağı patriotizm,qıyulığın maqtap çığışlar yasadı. Kerry isä şäxsi tormışnıñ här aspektında üzen G.Bushtan çitläşterü öçen tırıştı. Ul prezidentnıñ här mizgeldä dini ışanunı telgä aluına işarä itep, min inanu tınıç qına ütälergä häm eştä kürenergä tieş dip qarıym (audio)
min Alla bezneñ yaqta dip däğwä itergä telämim. Äleke prezident Abraham Lincoln äytkäneçä, min bez Alla yağında dip tübänçelek belän doğa qılırğa telim dide.
Respublikannarnıñ qorıltayı august ayında ütkärelä.Alar bu atna azağında zur kampaniä başlatıp cibäräçäklär dip kötelä.
färidä xämit,praga
färidä xämit,praga