Accessibility links

Ğiraqnıñ berniçä şähärendä şartlawlar buldı, /lüçelär häm yaralanuçılar bar


Ğiraqnıñ tönyağındağı Mosul şähärendä intixar terrorçı politsiä stansiäse yanında minada bomba şartlattı. Kimendä 5 keşe hälak buldı, 50-läp keşe yaralandı. Politsiä äytüençä, ülüçelärneñ 4-se politsiä xezmätkäre. Yaralanuçılar arasında politsiä xemzätkärläre dä ğadi xalıq ta bar. AQŞ xärbiläre äytüençä, Sämärrä şähärendä yulğa quyılğan bomba şartlawda ber Amerikan soldatı hälak bulğan, ikäw yaralanğan.

Uzğan töndä Fällücä şähärendä AQŞ köçläre belän ğisyançılar arasında bäreleşlär däwam itte. Fällücäneñ töp xastaxanäsendäge tabib äytüençä, kimendä 10 ğiraqlı üterelgän, 35-e yaralanğan.

Bağdadta ber maşina yanında yulğa quyılğan bomba şartlatıldı. Bu bomba yaqındağı AQŞ xärbi kizüe öçen äzerlängän dip uylanıla. Şartlaw näticäsendä, uzıp baruçı 3 keşe hälak bulğan. Bügen Bağdadta ike märtäbä minaatqıç höcüme dä buldı. Ülüçelär turında xäbär yuq. Livan tışqı eşlär ministrlığı Ğiraqta ike Livan watandaşı yuğaldı dip belderde. Yuğaluçılarnıñ tuğannarı äytüençä alarnı totıq itep alğannar.
XS
SM
MD
LG