Accessibility links

Varşavada Nazi okupatsiäsenä qarşı Varşava kütäreleşeneñ 60 yıllığın iskä alu çaraları ütä


Varşavada Nazi okupatsiäsenä qarşı Varşava kütäreleşeneñ 60 yıllığın iskä alu çaralarında qatnaşu öçen Germaniä kanslerı Gerhard Schroeder kilde. Pol'şa premyer-ministrı Marek Belka Germaniä kanslerınıñ kilüe soñğı distä yıllarda Germaniä häm Pol'şanıñ tatulaşuğa taba uñay adımnarın kürsätä dide. Schreoder Varşava kütäreleşendä hälak bulğannar häykälenä çäçäk saluda qatnaşa. Warşava kütäreleşe 1944-nçe yılnıñ 1-nçe avgustında başlanıp 63 könnän soñ bastırıldı. 200 meñläp polyak üterelde. Varşavanıñ tarixi öleşläre cimerelde. Sovet ğäskärläre Varşava kütäreleşenä yardämgä kilä almadı. Varşava kütäreleşen iskä aluda AQŞ däwlät sekretare Colin Powell da qatnaşır dip kötelä.
XS
SM
MD
LG