Accessibility links

җомга, 9 декабрь 2016, Казан вакыты 14:36

Ğıyraqta ğısyançılar Törkiä totığın cäzalap üterde


İslam internet säxifälärendä yazılğan bu xäbärne Törkiäneñ Bağdattağı ilçelege dä rasladı. Cide çit il totığınıñ yazmışı älegä qädär bilgele tügel. Comğa könne kiç Bağdattağı dürt häm Mosuldağı ber xristian xramında şartlawlar buldı. Kim digändä 10 keşe ülde, 40 tan artıq keşe tän cäräxäte aldı. Bağdattağı ber çirkäwneñ ruxanie Faris Toma Mouşi bolay dide: “Bu qotoçqıç cinayät. Anı oyıştıruçılar tağı da qurqınıçıraq. Yaratu, tınıçlıq häm cannı qotqaru öçen doğa qılğan keşelärgä kem dä bulsa niçek xöcüm oyıştırırğa cörät itä. Min bu cinayätçelärne keşelek näselen däwam itüçelär dip tanıy almıym”. Ğıyraq xaqimiätläre şartlawlarnı “Äl qäidä” belän bäyläneştäge terrorçı Mussab äz Zärkäi suğışçıları oyıştırğan dip sanıy.

XS
SM
MD
LG