Qorallı köçlärneñ yuğarı wäkile generäl Möxämmäd Bäşir Söläyman, Berläşkän Millätlär Oyışması İminlek şurasınıñ comğa könne qabul itelgän rezolyutsiäsen Sudan “suğış iğlan itü” kebek bäyäli dip belderde. Anıñ süzlärençä, “sudan armiäse cawap qaytarırğa äzer”. İminlek Şurası ber ay eçendä Sudan xökemätenä ğäräp otryadların qoralsızlandırırğa quştı. Alar xökimiätlärneñ turıdan turı oçındıruı arqasında Darfur prowinsiäsendäge qara tänlelärne terror astında tota. Ber yıl äçendä genä dä 50 meñläp keşe üterelde.
