Accessibility links

якшәмбе, 4 декабрь 2016, Казан вакыты 13:17

Uzbäkstan xakimiätläre höcümnär öçen Hizb-ut Tahrirrnı ğäyepläsälär dä, moña dälil yuq.


Üzbäkstan bu yılda ikençe märtäbä intexarçılarnıñ öcümenä duçar buldı. Höcüm obyektı bulıp AQŞ häm İzrael ilçelekläre häm Baş Prokuratura bürosı buldı. 7 keşe , şul sanda öç intixarçı hälak buldı. Ekstremizmnıñ köçäyä baruı turında kisätep kilgän Üzbäkstan xakimiätläre, höcüm öçen tıyılğan İslam oyışması Hizb-ut Tarhirnıñ ağzaların ğäyeplärgä aşıqtılar. Läkin, küzätüçelär mondıy räsmi qaraş belän kileşmilär, çönki törkem moñarça köç qullanmadı.

Şuşı höcümnrneñ säbäplären tikşerü häm cavaplıların ezläv eşe dävam itä. İzrail häm AQŞ ilçelekläre urnaşqan binalar yanında häm baş prokuratura bürosında bulğan koordinatsiälängän şartlaularda öç intexarçıdan başqa öç militsioner häm ber saqçı hälak buldı. İslam internet säxifälärendä Üzbäkstan İslam Xäräkäte häm ällä tanılmağan Üzbäkstanda İslam Cihadı oyışmlarınıñ monıñ öçen cavaplılıqnı üz östlärenä alğan belderüläre çıqtı. Läkin, Üzbäkstan prezidentı Karimov monıñ öçen Hezb-ut Tahrir oyışması cavaplı dip belderde.

Audio

"Hzb-ut Tahrir gönaxsız sarıq, ziansız dip däğvä itkän üzlären keşe xoquqları oyışması dip atağan berläşmälär, oyışmalar, törkemnär bar. Çınbarlıqtra bu törkem küplärne aldıy häm yaña ağzalar cälep itä. Alarnıñ çın niäte küberäk höcümnär bulğannan soñ faş iteler. Läkin, ul çaqta inde soñ bulır."

Karimov Hizb-ut Tahrir Mart-April aylarında Taşkentta häm Buxarada bulğan höcümnär öçen dä cavaplı dip belderde. Ul insidentlarda 47 keşe, şul sanda 33 höcüm itüçe hälak bulğan ide. Hizb-ut Tahrirnıñ Londondağı bülekçäseneñ başlığı İmran Wahid , Çomğa könge häm bu yılnıñ başlarında bulğan höcümnärdä oyışmanıñ qatnaşı bulmadı dip belderde.

Audio

"Karimovnıñ rezimı zäğif. Hizb-ut Tahrir oyışmasınıñ Üzbäkstanda häm Üzäk Aziädä populärlege üsä bara. Şul säbäple Karimov anı pıçratırğa tırışa."

Üzäk Aziädä 20 meñ ağzası bar dip isäplängän bu törkemneñ regionda nindi dä bulsa köç qullanuda qatnaşqan buluı xaqında mäğlümät yuq. Üzbäkstan küzläv oyışmaları räsmiläre Üzäk Aziädä Xalifät buldırunı yaqlauçı oyışmanıñ köç qullana başlauı bik ciñel dip kisätälär. Britaniäneñ Üzbäkstandağı elekke ilçese Paul Bergne Azatlıq radiosı xäbärçesenä Hizb-ut Tahrirnıñ soñğı häm bu yıl bulğan ike höcümdä qatnaşqan buluına ışanıp betmi.

Audio

"Hizb-ut Tahrirnıñ köç qullanmau säyäsen üzgärtkän buluın kürsätkän ber nindi dä dälil yuq. Şul säbäple berençe qaraşta bombalaunıñ artında ul tora dip äytep bulmıy."

Bergneneñ süzlärençä, monıñ öçen Üzbäkstanda İslam xäräkäteneñ yäisä Taşkent häm Buxaradağı elekke höcümnär öçen dä cavaplılıqn üz östenä alğan Üzbäkstanda İslam Cihadı oyışmaınıñ cavaplı buluı küberäk ixtimal.

Färit İdelle, Praga.
XS
SM
MD
LG