Accessibility links

Кайнар хәбәр

G.Bush küzläw xezmätlären yañarta, täsirleräk xälgä kiterä


AQŞları al Qaida häm anıñ berektäşlärenä qarşı köräşü öçen yaña çaralar kürüne planlaştıra. Prezident G.Bush Waşingtonda bu turıdağı plannarın açıqladı.

G.Bush düşämbedä Aqyorttağı çığışında Amerikanıñ terrorğa qarşı köräştä eçtä wä tıştağı küzläw operatsiälären qarap baru öçen küzläw direktorı postın buldırunı yaqlap çıqtı. Prezident bilgelägän yaña küzläw citäkçesen senat raslarğa tieş. Bush süzlärençä(audio) Küzläw direktorı prezidentnıñ küzläw mäsäläsendä töp kiñäşçese häm ul küzläw idaräläreneñ eçtä häm çit illärdäge aktivlıqların qarap baraçaq koordinatsiäliäçäk G.Bush AQŞ küzläw idarälären yañadan oyıştırunıñ mäqsatı alarnı yaxşıraq intergratsiäläw, berläşterü häm terror operatsiälärendä täsirleräk xälgä kiterü dip söyläde. Bu yaña posnı 11 sintäber terror höcümenä kitergän küzläw idarälärendäge zäğifleklärne, qapma qarşılıqlarnı tikşergän komissiä kiñäş itte .Prezident Bush(audio) Küzläw xezmätläre häm ilneñ iminlek mäsäläläre yañadan oyıştırılırğa häm täsirleräk xälgä kiterelergä tieş. Ber yk kompitensiäläre bulğan artığı belän küp komitetlar bar. Alar waqıt yuğaltuğa säbäp bulğan kebek reformalarnı da totqarlıy dip äytte Prezident Bush 11nçe sintäber komissiäseneñ kontr-terrorizm üzäge buldıru kiñäşen dä qabul itkän. Prezident bu xaqta bolay dip söyläde(audio) Bu yaña üzäk , çınlap ta yaxşı analitik mäğlümätkä nigezlänäçäk. Belengän häm şiklänelgän terrorçılar turında xökümätebezneñ mäğlümät bankı bulaçaq. Yaña üzäk barlıq xökümät agentlıqları häm departamentlarnıñ aktivlıq häm kontr terrorizm plannarın qarap koordinatsiäliäçäk . Här 2 partiä äğzalarınnan torğan 11.sintäber komissiäse üzäk häm küzläw direktorı postı prezident ofisında urnaştırılsın dip beldersä dä, Bush alarnıñ aqyortttan çittä urnaştırıluın teli. G.Bush, Ğıraq suğışı AQŞnıñ terrorğa qarşı köräştän iqtibarnı kimette digän tänqitlärgä (audio) Amerikanı saqlau öçen in yaxşı yul höcümdä bulu.AQŞları höcüm itkän öçen kübräk keşe bezgä zarar kiterergä teli dip uylau kölkele digän cawap qaytardı. Reformalar näticäsendä ,Üzäk Küzläw Oyışması ayrım direktor qaramağında toraçaq.Yaña Küzläw direktorınıñ AQŞ eçendä häm çittä küzläw operatsiälären koordinatsiäläw, citäkläw eşendä kübräk cawaplılığı bulaçaq .Prezident yaña poslar , yaña oyışma turındağı çığışın , NY, Waşington, New Jersey- nıñ finans qorılmalarına terror höcüme qurqınıçı bar dip iminlek çaraları nığıtılğannan soñ yasadı.

färidä xämit,praga.
XS
SM
MD
LG