Accessibility links

якшәмбе, 11 декабрь 2016, Казан вакыты 16:44

K.Annan Kosovodağı azçılıqlarnıñ xoquqları turında borçılu belderde


BMO general sekretarı Kofi Annan Kosovoda reformalar mäsäläsendä progress bulmawına yañadan borçılu belderep azçılıq xalıqlarnıñ şartların yaxşırtuları öçen etnik alban citäkçelärenä möräcäğät itte.K.Annan 16säxifälek xisabınıñ zur öleşen Kosovodağı azçılıq xalıqlarnıñ xoquqların yaxşırtu şulsanda xäräkät ireklege, xezmät urınnarı tabu häm mätbuğat irekelegenä bağışlağan.

BMO general sekretarı yaña xisabında Kosovodağı azçılıq xalıqlarnı hädäf itep alğan köç qullanunıñ fizik wä psixologik ezläre qala birä dip äytkän. Xäterläsägez mart ayında albannar ike kön buyına köç qullanıp , 19 keşene üterde,900dan artığın yaraladı , yaqınça 900qorılma , yortlar çirkäw, manastırlar yandırıldı azçlıqlar maxalläsendä 4100keşe öysez yortsız qaldı. Bu älbättä 1999nçe yıldan birle Kosovoda torğan NATO häm BMO 2 million keşe yäşägän töbäk belän niçek idarä itä digän sorawlarğa säbäp buldı. Xalqınıñ 90%ın albannar täşkil itkän Kosovo, Serbiäneñ ber öleşe bulıp qalaçaqmı, ällä albannar telägäneçä bäysezmı bulaçaq bu turıda xalıqara cämätçelek qarar biräçäk. Ölkäneñ statusı turında qarar birgänçe,mäğlüm Kosovo xalıqara standartlarğa kilep citärgä tieş. Kofi Annan ,19keşeneñ ülemenä säbäp bulğan köç qullanu öçen cawaplılarnı tabıp mäxkämä aldına çığarığız dip alban citäkçelärgä möräcäğät itte. Annan süzçese Fred Eckard xisabta Kosovo assambleyasınıñ BMO tänqitlärenä qarata konstitutsiä qısalarına tözätmälär kertü omtılışlarına borçılu belderelä dide.Eckard süzlärençä(audio) Kosovo assambleyasınıñ Kosovo konstitutsiä qısalarına tözätmälär kertü omtılışı, anıñ kompenetsiäsenä kermi häm Kosovonın aşığıç prioritetlarına ähämiät birmäwne çağıldıra BMO İminlek Şurası atnakiçtä Kosovo mäsäläsen qarıyaçaq.Oyışmanıñ ölkägä täğäyenlägän ilçe etnik alban citäkçeläreneñ buysınuçanlığın yaxşırtu öçen BMOnıñ reforma säyäsäten küzdän kiçerergä çaqıra. Norvegiäle diplomat Kai Eideneñ xisabı turında şurağa mäğlümät birelde. Şuranıñ ismeneñ belenüen telämägän ber diplomatı radiobız xabärçesenä Eide statustan elek standartlarnı yaxşırtırğa kiñäş itä dip beldergän.Ul in möhim standart itep azçılıqlarnıñ şartların yaxşırtu häm monıñ tizlektä ğämälgä quyuluın teli Diplomat süzlärençä, ägär dä bu standartlar ğämälgä quyılsa etnik alban citäkçelärenä iqtisadnı kontrol , yustitsiä häm cirle administratsiä eşläre tizräk tapşırılır ide dip äytte.Bu ayda İminlek Şurası belän Rusiä citäkçelek itä. Rusiäneñ BModağı yaña ilçese Andrei Denisov jurnalistlarğa (audio) Kosovo mäsäläse ähämiät üzägendä tora, çönki bez ölkädä mart ayında bulıp alğan köç qullanunı äle dä borçılu belän xäterlibez.Bu ayda İminlek Şurasında bik aktiv diskussiälär bulaçaq dip söyläde. Rusiä standartlar mäsäläse turında bilgelängän waqıtnı kiläse yıl urtalarına qädär kiçekterergä çaqıra häm ul Belgradnıñ ölkäne kanton xälenä kiterü planın yaqlıy

färidä xämit,praga
XS
SM
MD
LG