Accessibility links

пәнҗешәмбе, 8 декабрь 2016, Казан вакыты 21:26

Uqıtuçılar awgust kiñäşmäsenä äzerlänä


Cäy axırında respublika uqıtuçıları ğädättägeçä üzläreneñ avgust kiñäşmälärenä cıyılalar. Bıyıl aña äzerlek niçek bara soñ? Bıyıl avgust kiñäşmäse aldınnan ğına respublikanıñ Mäğärif ministrı alışınuğa da qaramastan, Tatarstan mäğärif xezmätkärläreneñ traditsion konferensiäsenä äzerlek tuqtatılmadı. Xäyer, älege tarmaqta ministrlarnı näq menä şuşı cıyılış aldınnan almaştıru da üzenä kürä ber traditsiägä äylänep bara buğay. 1997 yılda Fariz Xarisov ta Wasil Ğäyfullinnı avgust başlarında alıştırğan ide. 2004 yılnı inde anıñ üzen näq şuşı könnärdä yaña Mäğärif ministrı Räis Şäyxlislamov almaştırdı.

Respublika uqıtuçılarınıñ avgust kiñäşmäse yıl sayın yaña uqu yılı başında uza. Anda törle mäğärif oyışmaları, xökümät wäkilläre, ğalimnär, uqıtuçılar, mäğärif idäräläre citäkçeläre cıyıla. Alar ütkän uqu yılına näticälär yasap, kiläçäge turında söyläşä, Tatarstanda mäğärif ölkäsendä torğan iñ aktual’ mäs’älälär xaqında kiñäşläşä. Bıyılğı konferensiäneñ programması inde tulısınça äzerlänep, anıñ teması bilgelänep, notıq yasawçılar, alarnıñ temaları isemlege tözelgän ide. Konferensiä waqıtında eş alıp barıla torğan seksiälär dä bülenep, anda qaralaçaq temalar, fiker alışu öçen problemalar da bilgelängän bulğan. Läkin soñğı könnärdä alarğa üzgäreşlär kerteläçäge açıqlandı. Xäyer, cıyılışnıñ teması şul uq qalğan. Respublika Ministrlar kabinetınıñ yuğarı, urta hönäri belem birü häm fän bülege citäkçese urınbasarı Georgiy Ğataullin süzlärenä qarağanda, ul respublikada innovatsion eşçänlekkä bäyle bulaçaq. Şulay itep, Tatarstannıñ Mäğärif xezmätkärläre Mäğärifne yañartu şartlarında respublika uqu yortlarında innovatsion eşçänlek xaqında kiñäşläşäçäk. Bu yulı ayıruça zur iğtibar respublika uqu yortlarında professional belem birü, urta professional belem birü oyışmalarınıñ eşçänlege üzgärtü mäs’älälärenä yünälteläçäk. Georgiy Ğataullin süzlärenä qarağanda, konferensiäne ütkärüdä isä üzgäreşlär bulırğa mömkin. Elek ul ike kön – 19-20 avgustlarda däwam itep, plenar häm seksion öleşlärdän torırğa tieş bulsa, xäzer ul ber genä köndä ütep, cıyılışnıñ plenar öleşe genä uzarğa da mömkin ikän. Bu oçraqta elekkege plan buyınça qaralğan 4 seksiädäge söyläşü kiçekterelä häm soñraq uzaçaq.

Respublikanıñ Mäğärif ministrlığında älegä avgust kiñäşmäse xaqında söylärgä baş tartalar. Cıyılış ütärgä inde ike atnadan da az waqıt qalıp baruğa da qaramastan, tögälräk mäğlümät barı tik ikençe atnada ğına bulaçaq. Konferensiäne äzerläw belän şöğellänüçe Mäğärif ministrlığınıñ ğomumi urta belem birü bülege citäkçese Andrey Nekrasov süzlärenä qarağanda, comğa, 6 avgust könne Alabuğağa Mäğärif ministrı Räis Şäyxlislamov häm premyer-ministr urınbasarı Zilä Wälieva baraçaq. Alar anda konferensiägä äzerlek belän tanışaçaq. Şunnan soñ ğına, respublika uqıtuçılarınıñ traditsion avgust kiñäşmäse nindi räweştä ütäçäge inde tulısınça bilgelänäçäk.

Gölnaz İlgizär

XS
SM
MD
LG