Accessibility links

шимбә, 10 декабрь 2016, Казан вакыты 11:58

Abxaziä häm Könyaq Osetiädä wazğiät kisken


Prezident Mixail Saakaşvilinıñ Gruzidän de fakto ayrılğan Abxaziä wä Könyaq Osetiä töbäkläre östennän yañadan kontrol urnaştıru tırışlıqları säbäplä Mäskäü-Tblisi mönäsäbätläre ällä ni cılı tügel . Sişämbedä Saakaşvilinıñ Abxaziä yarlarına yaqınlaşqan här köymäne batıru yañauına Mäskäü räsmi protest belderde.Çärşämbedä Gruziädän Könyaq Osetiägä yul totqan Rusiä deputatı citäklägän törkemgä ut açıluı töbäktä xällärne kiskennäştergän başqa ber waqıyğä bulıp tora.

Prezident Mixail Saakaşvili sişämbedä AQŞlarına säfärgä çıqqançı mondıy belderü yasadı.(audio) Abxaziä turında elegeräk iğlan itkän farmannarnı xäzer raslıym. Territorial sularıbızğa kergän här köymägä ut açılırğa häm ul şunduq batırılırğa tieş..Abxaziägä kilüçe rus turıstlarına , görci qanı sawılğan , görci başları belän futbol uynalğan urınnarğa kilmägez dip söyläde. Bu Saakaşvilinıñ xakimiätkä kilgännän birle Abxaziägä yasağan in kisken yañauı buldı. Gruziä yar saqçıları sonğı waqıtlarda Abxaziä sularına kerergä tırışqan törek häm başqa illär köymälären totqarladı. Saakaşvilinıñ Gruziäneñ bötenlegen torgızunı üzeneñ töp mäqsatı itep quyuı, turıdan turı Mäskäüne yanau bulıp tora.Mäskäü 90nçı yıl başlarında Abxaziä häm könyaq Osetiägä Gruziädän ayırılıp çığarğa bulıştı häm här 2 töbäk belän köçle säyäsi iqtisadi elemtälär urnaştırdı.Anıñ suğışqan taraflar arasında atışlarnı tuqtatu öçen aradaşçılıq itüe häm töbäktä tınıçılq ğäskäriläre totuı paradoks älbättä.Tblisidäge küp kenä küzätüçe fikerençä, bu faktorlar Mäskäüneñ Gruziä eşlärenä qatnaşunı däwam itteräçägenä dälil bulıp tora.Saakaşvili süzlärenä Mäskäü şunduq reaksiä kürsätte. Saqlanu ministırı Sergei İvanov Abxaziägä barğan rus turistların saqlau öçen kiräk bula qalsa Mäskäü köç qullanaçaq dip äytte. İvanov süzlärençä(audio) Abxaziä citäkçelege dä Saakaşvili kisätülärenä qarata , Qara Dingezgä kilüçe rus turistlarınıñ iminlegen tämin itäçäkbez dip belderde.Abxaz citäkçese Ardzinbanıñ ölkän yardämçese Astamur Tania Tblisinı töbäktäge totrıqlılıqnı bozuda ğäyepläp çıqtı.(audio) Gruziä yar saqçılarınıñ citäkçese Davit Gulua Saakaşvili belderüe säbäp bulğan tınıçsızlqnı kimetergä tırışıp,bu tik yañau ğına dip äytte.Gruziä tışqı eşlär ministırlığı atnakiçtä Rusiä reaksiäseneñ bik kisken , agressiv buluına qızğanıç belderde. Könyaq Osetiädä dä wazğiät kiskennäşep kitte. Kiçä Tblisidän Könyaq Osetiä başqalasına yul totqan Rusiä deputatı Andrei Kokoşinnı ozata barğan maşinalar konvoyına Sarabuk tiräsendä ,Gruziä belän Könyaq Osetiä köçlären ayırğan xärbisezläşterelgän zonada ut açılğan.Deputat belän bergä säyäxät itkän Russiä RTR televidiniä törkeme yartı säğätlek insidentnı filmgä töşerep alğan.(audio) Gruziä dä Könyaq Osetiä yağı da berbersen berençe bulıp ut açuda ğäyepli.Kiçäge waqıyğä däwam itkän insidentlar seriäseneñ in sonğısı ide. Annan elek Russiä xärbi, humanitar maşinaları totqarlandı, Könyaq Osetie xärbiläre Gruziä tınıçlıq saqlauçıların qulğa aldı. Deputat Kokoşin töbäktä zur külämdä xärbi operatsiä başlana ala digän borçılu belderde.Atnakiçtä Mäskäüdä Duma Abxaziä häm Könyaq Osetiä turında aşığıç utırış ütkärep deklaratsiä qabul itte.Dokumentta Gruziä citäkçelegeneñ säyäsäte perspektivasız häm qısqa qaraşlı dip taswirlana. Duma , Russiä prezidentı häm xökümäten wazğiätne normalläşterü häm Gruziädäge Rusiä watandaşlarınıñ iminlegen tämin itü öçen kiräkle çaralar kürergä çaqıra.

färidä xämit,praga
XS
SM
MD
LG