Ğíraq başqalası üzägendä polísí binası yanında bombı quyılğan maşína şartlap kim digändä 9 keşe hälaq buldı, 20 dän artıq keşe yaralandı. Maşínanı intixar terrorçı yörtkän. Näjafta ğíraq iminlek köçläre belän şigilärnıñ başlığı Möktäd Äs Sadrnıñ suğışçıları arasında qatı bäreleşlär bara. İminlek köçlärenä Quşma Ştatlarnıñ diñgez pexotaçıları bulışa. Anda 3 keşe hälaq bulğan. Atışlar waqıtında berniçä amerikan boralağı bärep töşerelgän. Yaralanuçılar bar. Ğíraq polísísı 7 çit il suğışçısın qulğa aldı. Alar kiçä Mosul şähärendä amerikan köçläre belän bäreleşlärdä qatnaşuda şiklänelä. Qulğa alınğannar ğäräp häm möselman illäre watandaşları. Bügen Mosulda çağıştırmaça tınıçlıq urnaştı. Kiçäge bäreleşlärdä kimendä 22 keşe üterelde. Alar arasında 14 keşe tınıç xalıqtan ide.
