Accessibility links

якшәмбе, 4 декабрь 2016, Казан вакыты 15:20

"Tatarstan" jurnalınıñ 7 sanı turında Rämil İslamov


Xörmätle radio tıñlawçılar!Çirattağı şimbä matbuğat küzätüendä “Tatarstan” jurnalınıñ 7саны turında sezgä filologiä fännäre doktorı ämil İslamov söylär. Ul bügenge köndä Tatarstan Fännär akademiäse Ğ.İbrahimov isemendäge tel,ädäbiät häm sänğät institutınıñ ädäbiät beleme bülege mödire. Rämil äfände jurnalnıñ bu sanında nindi problemalar kütärelä?Jurnalnıñ älege sanı rubrikalarğa bay. Ayırıp alğanda , anda respublikanıñ xäzerge waqıttağı iqtisat mäs’äläläre, ildäge säyäsi xällär, qızıqlı şäxeslär,häm tatar xalqınıñ mädäniätenä qağılışlı mäs'älälär kütärelä. Sezneñ iğtibarnı cälep itkän qaysı mäqälälärdä tuqtap kitär idegez? Säyäsät ölkäsenä kilgändä isä, “Federalizmğa qurqınıç yanıymı?”-digän “Tügäräk östäl” şäkelendäge material ayıruça iğtibarnı cälep itä. Kiñ cämäğätçelekne tirän borçığan älege problema buyınça söyläşüdä Rossiä Federatsiäse cıyılışı Federatsiä Sovetı äğzası Ramazan Abdulatıypov, Tatarstan respublikası Däwlät Sovetınıñ iqtisad investitsiälär häm eşmäkärlek komitetı räise Marat Ğaliev, Rossiä Federatsiäse Däwlät Dumasınıñ“Rodina” fraksiäse citäkçese Dmitriy Roğozin,Tatarstan Däwlät Sovetı prezidiumı äğzası, Tatarstan parlamentındağı Rossiä Federatsiäse kommunistlar firqäse fraksiäse citäkçese Aleksandr Saliy, fälsäfä fännäre doktorı, professor Midxät Faruqşin, Tatarstan respublikasınıñ Rossiä Federatsiäsendäge wäqälätle wäkileneñ berençe urınbasarı Mixail Stolyarov, Tatarstan respublikası Däwlät Sovetı deputatı akademik İndus Tahirov üzläreneñ fikerläre belän urtaqlaşalar. Rossiädä xäzerge waqıtta üzäkläşterelgän sistemanıñ nığiy baruı häm şunıñ näticäse bularaq federalizmğa qurqınıç yanawı turında älege möxtäbär zatlarnıñ, nigezdä, qaraşları täñgäl kilä. Ämma qayber mäs'älälärdä alarnıñ fikerläre törleçä.Äytik: Rossiä subyektların ber-berse belän quşıp ereländerergä qarata Ramazan Abdulatıypov obyektiv kriteriylar bulırğa tieşlegen assızıqlıy häm monı alarnıñ administrativ-territorial' tügellege, ä däwläti berämleklär bulularına nigezlänep äytä. Dmitriy Roğozin fikerençä, küpmillätle cämğiättä etnik bilgelär buyınça suverenlaştıru qurqınıç ikän.Töbäklärne ereländerüdä Aleksandr Saliy da qarşı tügel. Ul monı iqtisadi mäs’älälärdän çığıp dälilli bulsa kiräk. Millät problemasın xäl itü öçen ul milli kul'tura avtonomiäse tözergä täqdim itä. Saylawlar mäs’äläsenä kilgändä dä qızıqlı ğına fikerlär belän oçraşırğa mömkin. Mäsälän, Dmitriy Roğozin bolay di: “ Min RF Däwlät Dumasın häm Federatsiä subyektlarınıñ zakon çığaru orğannarın barı tik ber partiä wäkillege nigezendä genä formalaştıru yaqlı. Cirle sovetlar ber mandatlı okruglar yäki, hiçyuğı qatnaş sistema buyınça formalaştırırğa tieş”.Ä İndus Tahirov isä parlamentnı formalaştırunıñ majiotor-proporsional' ısulın saqlarğa kiräk dip isäpli. Çönki, di , ul, partiäle deputat territoriälärdäge problemalarnı anıq belep betermi häm ul barısı öçen dä cawaplı kebek tä, berni öçen dä cawap ta birmi.Rämil äfände,sez tatar mädäniäte problemaları turında äytep kitkän idegez. Anıñ turında jurnalnıñ bu sanında närsälär bar? “Tatar mädäniätenä bağışlanğan materialda süz Finlyandiädä häm yıraq Tasmaniädä yäşäwçe millättäşlärebez Däniz Bädretdin belän Zölfiä Kamalova icatları turında bara.- Bilgele bulğança, Däniz Bädretdin Xel'sinki da tözelgän “başqarma” dip atalğan icat törkemeneñ liderı bularaq bilgele. Ul inde üzeneñ küp kenä kompakt-diskların da çığardı. Häm anıñ konsertların Qazan tamaşaçıları da yaratıp qabul ittelär. Ul , nigezdä, tatar köylären roq-n-rol stil'lärenä caylaştırıp başqara.- Zölfiä Kamalova, çığışı buyınça Udmurtiä respublikasınnan. Xäzerge waqıtta ul qızıqlı ğına proyekt buyınça eşli ikän. Yäğni ul tatarnıñ vengr häm mongol muzıkası arasında küper buluın añlatırğa teli. Zölfiäneñ “Ällüki”, “Djoney of Wois” kompakt diskları populyarlıyknı tiz yaulap alğan.Älege cırçını xäzerge waqıtta Mäskäwdä dä , Londonda da , Xel'sinkida da häm başqa Awrupa illärendä dä yaxşı belälär häm yaratıp qabul itälär. Avtorı Amil Nur bulğan “Moñnar oçraşqan cirdä” dip atalğan älege mäqälädä Zölfiä Kamalova icatına qarata qayber bäyälämälärne tıñlap ütik.“Ällüki” diskı tatar cırlarınnan ğına ğibärät, häm ul Avstraliädä “etno” stilendä icat itelgän al'bomnar arasında “2000 yılnıñ iñ äybät diskı” bularaq tanılğan. “Djoney of Wois” diskında urın alğan “Cidegän çişmä” cırı isä “Dönya cırları” arasında “Yıl cırı” titulı belän berençe urın alğan bulğan . “Australian uorld muzik award” isemle büläk tä aña tätegän. 2001 yılda üz stilendä aña qabatta ”Yıl cırçısı” iseme birelgän. “Elyusiv” isemle tälinkäse isä ”ARİA award” kebek zatlı premiägä täqdim itelgän.” Ğomumän alğanda “Tatarstan” jurnalı yaxşı sıyfatlı eçtälekkä bay bulıp çığa.Häm bez redaksiä xezmätkärlärenä anıñ aldağı sannarında da tağın da kamilläşä baruın häm kiñ cämäğätçelekne cälep itärdäy yañadan- yaña qızıqlı materiallar birep baruın telibez-” dide Rämil İslamov.Xörmätle radio tıñlawçılar! Şuşınıñ belän bez şimbä matbuğat küzätüen tämamlıybız. Sez“Tatarstan” jurnalınıñ 7 sanına küzätü tıñladığız. Mälikä Basıyr,Azatlıq radiosı, Qazan.

XS
SM
MD
LG