Accessibility links

дүшәмбе, 5 декабрь 2016, Казан вакыты 03:36

Dağıstan tatarlarına milli matbuğat barıp citmi


Tatar dönyası säxifäseneñ çirattağı xäbäre dä – yañalıqlar siräk kilä torğan Dağıstan yaqlarınnan, xörmätle tıñlawçılar. Biredä dä millättäşlärebez kön kürä, milli bäyrämnärgä bergä cıyıla. Şuşı könnärdä genä radiobıznıñ Praga studiäsendä Maxaçkala tatarlarınıñ yäş wäkile Elmira Nabiullina bulıp kitte. Elmira tutaş ber yılğa yaqın Germaniädä alman telen öyränä, universitetqa kerergä cıyına. Bezne älbättä, Maxaçkala tatarları tormışı qızıqsındıra. Dağıstanda 35 töp xalıq häm tağın yözdän artıq millät wäkilläre yäşi. Tatarlar berençe 14 millät isemlegenä kermi, alarnıñ sanı 5 meñ tiräse. Çağıştırır öçen – Dağıstannıñ iñ küp sanlı xalqı – avarlar, alar yaqınça 30%nı täşkil itä, 5nçe urında urıslar. Tatarlarğa tel üzençälege belän yaqın bulğan azerbaycannar häm noğaylar – 8nçe häm 10nçı urınnarda. 2002nçe yılda bulğan can isäp näticäläre älegä mäğlüm tügel. Tatarlarnıñ küpçelege Dağıstanda şähärlärdä yäşi ikän. Niçek kön kürä soñ anda millättäşlärebez? Yözdän artıq millät arasında üz urnın taba alğanmı? Sezneñ iğtibarğa qısqa ğına äñgämäne täqdim itäm. (audio) "Bezneñ tatar üzäge bar, konsertlar, törle kiçälärgä cıyılabız. İke yıl inde sabantuyların oyıştırabız. Ämma tatar gazet-jurnalların ber qayçan da kürgänebez yuq. Yağa Ğasır TVsı yuq, tatar xäbärlären beler öçen berdän ber çığanaq – Azatlıq radiosı. Sezne küp keşe tıñlıy, berençe çiratta tatar telen işeter öçen"... (Äñgämäne Azatlıqnıñ şimbä tapşıruında tıñlıy alasız). Dağıstandağı millättäşlärebez tatar dönyasınnan ayrılmas, radio tıñlap, televizor qarap, gazet uqıp, elemtädä torır digän ömettä qalabız.

XS
SM
MD
LG