Accessibility links

Кайнар хәбәр

Kreml Yukosnı bölgenlekkä etärä. Amerikan aksionerları da şirkätne mäxkämägä birde.


Russiä xakimiätläreneñ ber könne Yukosqa banka xisapların faydalanırğa röxsät itüe, ikençe köne tıyuı, ber yaqtan dönya bazarında nefte bäyäseneñ kütäreüenä säbäp bulsa, ikençe yaqtan Yukosnı bölgenlekkä taba alıp bara. Yukos öçen tağı da ber problemma tudı. Yukos aksiäsenä iä amerikannar, şirkät citäkçelegen, döreslekkä turı kilmägän belderüläre öçen mäxkämägä birdelär. Yukos aksiäläre AQŞ finans bazarında terkälgännektän, amerikan finans qanunnarı aña qarıy.

Russiä xakimiätläreneñ Yukosqa qarata pozitsiäsen hör kön sayın diärlek üzgärtep toruı, ber yaqtan dönyada nefte bäyälärenä täsir itsä, ikençe yaqtan şuşı ere nefte şirkäten bölgenlekkä taba alıp bara häm öçençedän çit illärdä Russiägä ışanıçnı da kimetä. Yustitsiä Ministerlegeneñ Pänceşämbe qararı nefte çığaru häm tapşırunı dävam itärgä tırışqan Yukosnıñ xäräkät mömkinlegen çikliy. Yukos uzğan atnada aqçanıñ bulmauı säbäple, Qıtayğa timeryulı belän nefte tapşıru eşeneñ kiläse atna başlarında uq tuqtaluı mömkin dip belderde. Yukos çığarğan nefteneñ 25 protsent Qıtayğa satıla. Ä inde dävlät qaramağındağı Transneft ütkärgeçe aşa nefte satunıñ August urtalarında tuqtaluı mömkin. Troyka Dialog İnvestmenk Bankaınnan Gerrit Heyns bügen Royter agentlığına bolay dip belderde.

Audio

"Yukos könenä yaqınca ber milion miçkä nefte çığara. Monıñ krannarıın yabu hiç şiksez xalıqara nefte bäyäsenä täsir itäçäk . Bez Yukosnıñ nefte çığaruın tuqtatunı buldırmau mömkin bulır dip ömet itäbez. Läkin, vazğiät kiskennäşä , cönki, avgust urtalarında Yukosnıñ tülärlek aqçası qalmayaçaq."

Yaqın Könçığıştağı bigeräk Ğıraqtağı xällär, terror qurqınıçı häm Yukos problemması säbäple, dönya bazarında nefte bäyäläre bik kütärelde. Monnan elbette, Russiägä satqan nefte öçen budjetta xisaplanğanğa qarağanda küpkä küberäk aqça kilä. Xökümät Yukosnı üz qulına kiçerergä teläsä dä, anı bölgenlekkä töşerü häm nefte çığaruın tuqtatu, çit il belgeçlärenneñ fikerençä, ber dä aqıllı adım bulmas ide, çit il kapital xuçalarınıñ Russiägä ışanıçın qaqşatır häm monan Russiägä zur zian kiler ide. Şulay Yukos Russiä xökümäteneñ salım taläbe säbäple krizis kiçergän häm monı xäl qılu yulların ezlägändä, yaña ber problemma aldında qaldı. Yukos aksiälärenä iä amerikannar şirkätne AQŞta mäxkämägä birdelär. Advokat Chaterine Kovalevskiy radiobız xäbärçesenä , üze eşlägän advokatlar byürosı Yukos menecmenteneñ azıraq salım tüläv mäsäläsendä investorlarğa yalğış mäğlümät birgän buluı xaqında dälil tuplıy dip belderde.

Audio

"Şirkätebezneñ fikerençä, ğäyelänüçe salım tülämäv öçen törle şirkätlär çeltäre oyıtırğan. Şuşı yul belän salım miqdarın kimetü , uñayıraq salım şartlarına iä bulu mömkin bulğan."

Kovalevskiy eşlägän advokatlar byurosı Yukosnı 6-nçe yüldä Nyu Yorktağı federal mäxkämägä birgän. Monıñ Yukosqa täsire turında äle söyläv irtä. Nyu Yorktağı Yevrasiä törkemendäge Yevropa häm Yevrasiä Praktikası dip atalğan tikşerenä hm kiñäş şirkäteneñ mödire Laurent Ruseckas , Yukosqa qarğı alğa sörelgän ğäyelävlär nigesez häm politik digän fikerdä.

Audio

"Mondıy oçraqlarda aksionerlarnı belä torıp aldarğa tırıştılar dip ispat itärgä kiräk. Yukos ul çaqta Russiädä başqa şirkätlär dä qullanğan häm qanuni dip xisaplanğan salım praktikasın qullandı. Älbättä, qäğidälär üzgärde . Läkin, monıñ öçen Kremlne mäxkämägä birep bulmıy. Şul säbäple Yukos häm anıñ idaräçelären ğäyeplärgä tırışıla."

Yukosnı mäxkämägä birgän advokatlar burosınnan Kovalevskiy bu mäsälädä säyäsätneñ bulun iqrar itsä dä ul xoquqi nigezneñ buluın da däğvä itä. Kovalevskiy protsesnıñ bik aqırın baraçağın häm yıllarğa suzılaçağın da iqrar itte. Ul AQŞta iñ ere Yukos aksiänerlarııñ kem buluın yäisä küpme aksionernı väkilek itüen äytmäde. AQŞtağı başqa advokat buroları da amerikan aksionerları isemennän Yukosnı mäxkmägä birgän bulsalar da, alarnıñ väkilläre radiobız xäbärçesenä nindi dä bulsa kommentariä birüdän baştarttılar.

Färit İdelle, Praga.
XS
SM
MD
LG