Accessibility links

шимбә, 10 декабрь 2016, Казан вакыты 02:11

Tatnet: Oçqıçqa biletlarnı internet aşa alabız




Cäyneñ soñğı ayında esselek yañadan qayttı häm yallar turındağı uylarnı yañadan qalqıtıp çığardı. Diñgez buyına kitäse ide, tawlarğa menäse ide, dip uylawçılarğa internet küp mömkinleklär birä. Tapşırularnıñ bersendä, Tatarstannıñ turistik mömkinlekläre xaqında söylägän idek inde.

Qazanğa hawa yulı belän kilergä uylasağız, Qazan hawa aanınıñ internet säxifäsenä kerep çığığız. Anıñ adresı ğadi: www.airportkzn.ru

Biredä Qazan hawa alanınıñ tarixı, bügengese belän tanışa alırsız häm iñ möhime oçışlar isemlegen, könen säğäten belä alırsız. Säxifädä Rusiä häm çit il şähärlärenä oçıp kitü häm jirgä utıru waqıtı kürsätelgän. Xätta, aiportnıñ on-line tablo, maxsus elektron taqtasın küzätergä mömkin. Mäsälän, anda fälän-fälän säğättä, «Lufthansa» şirkäteneñ oçqıçı Maindağı Franfurktqa oçıp kitte, digän yazunı uqıp bula. İsegezgä töşeräm, Qazan hawa alınıñ elektron adresı : airportkzn.ru

Biletlarnıñ bäyäläre, reklam täqdimnär, taşlamalar häm yaña reyslar turında mäğlümatnı tabır öçen, tağın ber saytqa kerep çığa alasız. Hawa yulları agentlığınıñ saytı www.tavs.ru adresında urnaşqan. Anda oçqıçlarnıñ oçu waqıtı häm könnäre genä tügel, sez barası urında qunaqxanälärneñ elektron adresları, bäyäläre, tışqı häm eçke küreneşläre turında tekst häm räsem belän törle-törle mäğlümat tabıp bula. Anda «Tatarstan» hawa şirkäteneñ genä tügel, berniçä kompaniäne nindi reyslar täqdim itüe belän dä tanışırğa mömkinlek birelä. Xätta, biletlarnı internet aşa alıp ta quyarğa mömkinlek birälär.

Säxifäneñ turizm öleşe ayırım iğtibar sorıy. Biredä, Soçi yäki Antaliädäge räxätleklär turında ğına tügel, Tatarstannıñ da yal itü öçen şaqtıy qızıq urın buluı xaqında äytelä. Süz «Qobrat xan xäzinäse» kebek ekstrim uyın turında bara. Ber turistik şirkät, Qobrat xan turındağı riwayätlärne uqıp, «Xan xäzinäse» digän proyekt uylap tapqan.

Riwayätlärdä xan baylıqların Qazanda yäşerep quyğan dip äytelä ikän. Şuña nigezlänep, qatnaşuçılarğa Xan yulın ütep, xäzinälärne tabırğa täqdim itelä. Uyın inde 1 ay elek ütep kitsä dä, qızıqlı täcribä bularaq, anı ütkärü tärtibe belän tanışırğa mömkin. Tatarstan hawa yulları agentlığınıñ saytı www.tavs.ru adresında urnaşqan. Läkin ber citeşsezlek bar, säxifäneñ bu bite yañartılmağan, häm uyınnıñ närsä belän tämamlanuın belep bulmadı.

Bikä Timerova.

XS
SM
MD
LG