Accessibility links

шимбә, 3 декабрь 2016, Казан вакыты 20:44

Gruziä citäkşese könyaq Kafkazda kierenkelek kiskennäşkän waqıtta räsmi bulmağan säfär belän AQŞlarında yöri


Gruziä töbäkläre Abxaziä wä Könyaq Osetie säbäple Mäskäü-Tblisi mönäsäbätläre şaqtıy kierenkelänep kitkän ber waqıtta ilbaşı Mixail Saakaşvili Atlantada ütkärelgän konferensiägä qatnaşu öçen AQŞlarına säfärgä çığıp kitte. Ämma ul konferensiägä qatnaşqançı Waşingtonda tuqtalış yasap Aqyort, Däwlät Departamentı häm Pentagonda räsmilär belän küreşte.

Mixail Saakaşvili Strategik häm xalıqara Tikşerenülär Üzägendä yasağan çığışında Gruziäneñ Abxaziä töbäge portına ireşergä tırışqan köylämälärne batıru ämeren birüemä beräü dä şaqqatmasqa tieş , Gruziä xökümäte 1995-nçe yıldan birle Abxaziägä bezdän röxsät almıy kerä almıysız dip barlıq illärne kisätep kilä dip söyläde. Rusiä Gruziäneñ territorial bötenlegenä xörmät itäçäk digän kileşügä imza quysa da, xäzer ul Rusiäneñ xosusi şirkätläre turıdan turı Abxaziä belän eş itä ala , alarğa Tblisinıñ doğa fatixası kiräkmi dip däğwä itä dip äytte prezident Saakaşvili.Şunlıqtan di ul 9yıldan soñ üzäk xökümätneñ territorial sularğa ütep kerüçelärgä qarata çaralar kürergä qarar birüe beräügä dä sürpriz bulmasqa tieş .Saakaşvili Rusiä köymälärne turist köylämäläre dip atasa da alar kontrabanda korapları dip äytte. Ul minem kebek här demokratik il üzeneñ territorial bötenlegen saqlar ide dip äytep bolay dip däwam itte (audio) bez agressiv, qararsız yä dä nirvalı tügel.Küp kenä kisätü, diplomatik kanallar aşa yasalğan möräcäğät häm bilgele ber waqıt ütkännän soñ här demokratik ilneñ aktivlıq kürsätergä xoquqı ğına tügel ä çiklären saqlau yöklämäse bar. Rusiä saqlanu ministırı Sergei İvanov Rusiä korapların batırunı piratlıq belän çağıştıru belän genä qalmadı ä ul Mäskäü bälkim dä xärbi köç qullanır dip tä işarä itte. Abxaz citäkçese Vladislav Ardzinba da rus turistların kitergän köymälärne saqlarğa wağdä itte. Mäskäü belän Tblisi Abxaziä häm Könyaq Osetiäneñ yazmışı säbäple 10yıldan artıq bäxäsläşep toralar.Här ike töbäk tä 90nçe yıllar başlarındağı suğışlardan soñ bäysezleklären alğan.Saakaşvili bıyıl başında xakimiätkä kilgännän birle ilne berläşterüne prioritet xälenä kiterde Waşingtonda ul här ike töbäktäge kierenkelek, anda yäşäwçe xalıqnıñ bäysezlekkä omtıluı säbäple tügel ä Tblisinıñ qanun qağıydälär urnaştıruı näticäsendä kilep tudı dip äytte Saakaşvili(audio) Älege waqıtta könyaq Osetiädäge kierenkelek , könyaq Kafkazda ozaq waqıttan birle ğädäti küreneş bulğan cinayätçelek, qanunsızlıqnı beterü öçen alıp barğan uñışlı tırışlığıbıznıñ näticäse bulıp tora. Moña Gruziäneñ eleke xökümätläre çıdamlıq kürsätte häm üzlären Rusiä tınıçlıq köçläre dip atauçlar yaqladı dip söyläde. Atnakiçtä Däwlät Departamentı Gruziä wä Rusiäne totnaqlıq kürsätergä çaqırdı. Departament süzçese Richard Boucher(audio) Bez här ike yaqnı da berberse belän söyläşergä , telänmägän insidentlar buldırmas öçen barlıq mexanizmlarnı qullanırğa häm kirenkelekne sülpänäytü öçen yullar tabırğa qıyunlandırabız dide Bush administratsiäse Gruziäneñ bäysezlegen yaqlasa da, Tblisinıñ Ğıraqqa 200 ğäskär cibärüenä Waşington yuğarı bäyä birsä dä, işetkänegezçä ul bu bäxästä ber yaqnı da yaqlarğa cıyınmıy, yaxşı kiñäşlär genä birä.

färide xämit,praga
XS
SM
MD
LG