Accessibility links

Кайнар хәбәр

Ğíraqta qorllı bäreleşlär bardı


Ğíraqnıñ törle şähärlärendä koalísí ğaskärläre belän şigi ruxaníı Mötdät Äl Sadrğa tuğrılıqlı köçlär arasında qorallı bäreleşlär bardı. Şigilärnıñ izge şähäre Nacafta başlanğan bäreleşlär törle urınnarğa cäyelde. Nacafta AQŞ xärbi boralaqları ğısyançılarğa ut açtı. İtalín, Britan ğaskärläre Nasírí, Basra häm Amarada suğıştı. Ğíraq sälamätlek saqlaw ministerı 20 dän artıq keşe üterelde, 100 dän artıq, şul isäptän 15 amerikan soldatı yaralandı dip belderde. Koalísí köçläre belän Sadr taraftarları arasında yün ayında atışlarnı tuqtatu turında kileşengännän soñ, mondí köçle bäreleşlär bulğanı yuq ide. Äl Sadrnıñ süzçese Mäxmut Äl Sudaní bolay dide: “Ägär dä ikençe yş atışlarnı tuqtatu bozılğançığa qädär bulğan xälgä qaytırğa teläsä, bez waqıtlı Ğíraq xökümäte belän söyläşergä äzer”. Äl Sadr bügen Nacaftağı comğa wäğäzendä Ğíraqta köç qullanu öçen amerikannarnı ğäyepläp çıqtı.
XS
SM
MD
LG