Accessibility links

шимбә, 3 декабрь 2016, Казан вакыты 14:46

Ğiraqta totıq itep alınğan amerikannıñ başı kiselü töşerelgän video-tasma yalğan bulıp çıqtı


Soñğı mäglümätlärgä qarağanda, Ğiraqta totıq itep alınğan ber amerikan watandaşınıñ başı kiselü töşerelgän video-tasma yalğan bulıp çıqtı. Elegräk kilgän xäbärlärdä bu keşe – San Fransiscodan 22 yäşlek Benjamin Vanderford dielgän ide. Associated Press agentlığı bu yegetne San Fransiscoda ezläp tapqan. Ul bu video-tasmanı ber ay elek dustınıñ yortında, iğtibar cälep iter öçen töşergänen tanığan. Yeget amerikan xärbilären Ğiraqtan kitergä çaqıra, soñnan anıñ muyınına pıçaq salına, ämmä anda suğışçılar kürenmi. Baştaraq bu tasma Äl-Qaidä belän bäyle bulğan Äbü Musab Äl-Zarqawi keşeläre eşe dielgän ide. Soñğı 4 ayda ğisyaçılar Ğiraqta distälägän keşene totıq itep aldı. Şularnıñ kimendä 10ı üterelde. Bügen mäglümät çaralarına Ğiraqta totıq itep alınğan Törek keşese töşerelgän video-tasma cibärelde. Yök maşinasın yörtüçe bulıp eşlägän Törek keşese anda bolay di:

Audio (Törek keşese)

"Törkiä Ğiraqqa kilmä! Amerikannar üterä, naçarlıqlar qıla. Amerika bezneñ doşman, Ğiraq – qärdäşebez. Şuña kürä arqadaşlarım, Ğiraqqa kilmägez, ber kisäk ikmäkne här qayda tabıp bula!"

Törek şirkätläre Ğiraqtan kitmägän oçraqta ğisyançılar bu keşene üterü belän yanıy.

XS
SM
MD
LG