Accessibility links

якшәмбе, 11 декабрь 2016, Казан вакыты 05:16

Äfğanstanda xalıqara tınıçlıq saqlaw köçläre belän citäkçelek fransuz generalına küçä


Yevropanıñ küp-millätle xärbi köçlär başlığı Fransuz generalı Jean Louis Py bügen Kabulga kilde. Düşämbedän başlap 6 ayğa ul Äfğanstanda xalıqara tınıçlıq saqlaw köçläre belän citäkçelekne üz östenä ala. 1992 yılda buldırılğan Yevropa köçlärenä Belgiä, Fransiä, Luxemburg, Germaniä häm İspaniä xärbiläre kerä. Äfğanstan bu xärbilär öçen Yevropadan çittä berençe xezmät bulaçaq. Ul arada Üktäbergä bilgelängän saylawlar aldınnan Äfğanstandağı wazğiät qatlawlana bara. Şimbägä qarşı töndä Çarçino wilayätendä saylawçılarnı terkäw belän şöğellängän ike keşe üterelgän. Taliban suğışçıları xöcüm itkän maşinada BMO xezmätkäre dä bulğan. Räsmilär bu xöcüm öçen Taliban suğışçıların ğäyepläde. Taliplar Üktäberneñ 9na bilgelängän prezident saylawların özergä tırışa.

XS
SM
MD
LG