Gruziä Eçke eşlär ministrı İrakli Okruaşvili, alğa taba Tbilisi ilneñ hawasına qanunsız oçıp kergän här oçqıçnı bärep töşeräçäk, dip belderde. Comğa könne Tbilsi, Rusiäneñ xärbi oçqıçı Gruziä kügenä kerü uñayınnan, Mäskäwgä protest belderde. Bu xaqta Gruziä Eçke eşlär ministrlığına tayanıp RİA-Novosti agentlığı xäbär itte. Belderüdä äytelgänçä bu oçqıç Gruziä kügenä 25 kilometrğa kergän. Tbilisi monı provakatsiä dip bäyäläde häm kiläçäktä mondıy xälne buldırmas öçen Mäskäwne çaralar kürergä çaqırdı. Rusiäneñ xärbi citäkçelege Rusiä oçqıçınıñ Gruziä kügenä kerü turındağı xäbärne kire qağa.
