Accessibility links

якшәмбе, 4 декабрь 2016, Казан вакыты 23:31

Salix Säydäşev istälegenä


Avgust ayınıñ esse könnäre torsa da , äle küplär cäyge yalda bulsalar da, respublikanıñ mädäni tormışı tuqtalmıy. TR mädäniät ministrlığınnan bez şularnı beldek. 14 avgustta tatar xalqınıñ böyek kompozitorı Salix Säydäşev istälegenä bağışlanğan “Sänğät bäyräme” uzdırıla. Bäyräm Yuğarı Oslan rayonınıñ Qızıl Bayraq awılında ütäçäk. Bıyıl da “Sänğät bäyräme”neñ oyıştıruçıları -TR mädäniät ministrlığı häm Ğäliäsqar Qamal isemendäge akademiä teatrı. Bäyrämdä Salix Säydäşevnıñ muzıkası tä'sirendä icat itüçe klassik kompozitorlar Mansur Mozaffarov, Aleksandr Klyuçarev, Zahit Xäbibullin häm Färit Yarullinnarnıñ muzıkası da yañğırayaçaq. Bäyräm programmasında säxnä ostaları, kompozitorlar yazuçılar häm Ğ.Qamal isemendäge teatr artistları çığışları qaralğan.

Muzıka ölkäsendä tağın ber yañalıq. Musa Cälil isemendäge opera häm balet teatrı binası äle tözekländerep beterelmäsä dä, anda da eşlär qaynap tora. Teatr binası açıluğa, monda “Tuqay” operası äzerlänä başlağan. Anıñ librettosın Tatarstan xalıq şağire Rinat Xaris, ä muzıkasın atqazanğan sänğät eşleklese , kompozitor Rezeda Axyarova yazğan. Tuqay partiäsen başqarırğa İlham Wäliev , ä Zäytünä partiäsenä Liliä Ğubaydullina bilgelängän. Tatar operasın säxnägä quyu ostazı, ataqlı Niaz Dautov wafatınnan soñ , opera quyarlıq yuğarı däräcäle rejisser bulmaw säbäple , Tuqay operasın quyu öçen Sankt-Peterburgtan rejisser Aleksandr Stepanyuk çaqırılğan.

Tağın ber xäbär. Qazanda Tatar cırın başqaruçılarnıñ İlham Şakirov isemendäge İkençe Xalıqara cır bäygesenä ğariza cıyu başlandı. Yarışta 14 yäştän -35 kä qädärle cırçılar qatnaşa alalar. Ğarizalar häm muzıkal' materiallar 15 noyäbergä qädär Tatar däwlät filarmoniäsenä tapşırıla. Bäyge turında mäğlümatnı tulıraq itep Tatarstan yäşläre gäziteneñ 31июльдә çıqqan sanınnan alıp bula. Şulay uq bäygedä qatnaşırğa telüçelärgä Tatar däwlät filarmoniäsenä şuşı- 36-72-72 telefonı belän şıltıratıp, beleşmälär alırğa mömkin. tulıraq mäğlümat alırğa bula.:Bıyılğı “Tatar cırı” bäygese Qazannıñ meñyıllığına häm İlham Şakirovnıñ 70 yıllıq yübiliyına bağışlana.

Azatlıq radiosı Mälikä Basıyr, Qazan.

XS
SM
MD
LG