Accessibility links

якшәмбе, 4 декабрь 2016, Казан вакыты 21:37

Nacafta qorallı bäreleşlär däwam itä


Ğıraqta tınıçlıq yıraqtağı xıyal kebek... İnde 5nçe kön şığılarnıñ izge şähre Nacafta Muqtada al Sadr ğıysyançıları belän amerikannnar tarafınnan yaqlanğan Ğıraq köçläre arasında qorallı bäreleşlär bara. Yäkşämbedä waqıtlı xökümätneñ premyer ministırı İyad Allawi Nacafqa kilep Sadr köçlären şäherdän çığıp kitergä çaqırdı

Boralaqlar tarafınnan yaqlanğan AQŞ marinnarı Nacafta şığı ğıysyançılarına qarşı suğışırğa däwam itä. Şaxitlär äytüenä qarağanda düşämbedä dä şähärneñ borınğı ziratı tiräsendä tötennär kürengän. Sonğı könnärdä zirat tiräsendä köçle qorallı bäreleşlär buldı. Yäkşämbedä waqıtlı xökümät başlığı İyad Allawi nacafqa kilep wazğiätne tınıçlandırırğa tırışsa da,ällä ni faydası bulmadı şikelle. Allawi radikal şığı ruxanise Muqtada al Sadrğa turılıqlı Mahdi armiäsen şähärdän çığıp kitergä çaqırdı. Allawi (audio) Qızğanıç ki qayber keşelär qanunğa qarşı ğämällär qılıp bu izge şähärgä zarar kiterergä tırışa. Bez monda şähärne tikşerergä häm xörmätle gubernator belän söyläşergä kildek. Bez monda şulayuq politsiä häm Milli Gvardiä äğzaları belän dä söyläşäçäkbez .Bez Monda wazğiät tizlektä tınıçlanır dip ömed itäbez. Qorallı suğışçılar izge şähärdän tizlektä çığıp kitergä qoralların taşlap qanun tärtipkä qaytırğa tieş dip uylıybız dip söyläde. Al Sadr düşämbedä Nacaf okupatsiäsenä qarşı sonğı tamçı qan qalğançığa qädär suğışaçağın belderde . Sadr (audio) Bez monda islamnı, dinne , şığılarnı häm izge urınnarnı saqlau öçen qarşılıq kürsätäbez. Ğıraq xökümäte qorallarnı taşlaunı taläp itä. Min ber kemne dä qarşılıq kürsätergä mäcbür itmim. Ämma amerikannar üzläre äytkäneçä okupatsiägä tabiğıy reaksiä qarşılıq kürsätü. dip söyläde Nacafta ütkärgän mätbuğat oçraşuında Al Sadr bu turıda, waqıtlı saqlanu ministırı Hazem Şaalan al Arabia televidiniäsenä ägär dä Nacaftağı krizis kiskennäşsä , AQŞ tarafınnan yaqlanğan xärbi operatsiälärgä Ğıraq armiäse dä qatnaşaçaq dip beldergännän soñ äytte.Şaalan süzlärençä (audio) Nacafta cinayätçlär qulında İranda eşlängän qorallar tabılğan, alar bu qorallarnı çik aşa İrannan alğan . Ğıraq räsmiläre berençe märtäbä genä İrannı Ğıraqnıñ eçke eşlärenä qatnaşuda ğäyeplämi.Tehran moñı kire qağıp kilä.Amerikan xärbiläre atnakiçtän birle Nacafta 300 ğıysyançını üterdek dip beldersä dä,Ğıraq räsmiläre häm ğıysyançılar ülüçülär sanı turında küpkä tübänräk sannar kiterä. AQŞ operatsiäläre belän citäklägän leytinant polkovnik John lewis Meyer al Sadr köçlären İmam Ali camiinnan torıp 100dän artıq raketa atuda ğäyepläde. Ul şulayuq amerikan köçläre şähär ziratı häm tiräsendä barğan bäreleşlärgä dä qatnaşa , ğıysyançılar qäbärlärdä qoralların yäşerä häm şul zonağa qorallarnı tabutlarda kertä dip söyläde. Meyer süzlärençä(audio) Bez bu suğışnı başlatmadıq. Bez monda partnörlarıbızğa Ğıraq politsiäse häm milli gvardiägä häm älbättä gubernatorğa yardäm itü öçen kildek.Nacaf gubernatorı isemennän bezdän yardäm soradı. Marinnar yaxşıraq dus, yamanraq doşman yuq digän qaraşta. İrekländerüdän soñ Ğıraq politsiäse bezneñ dus, alarğa höcüm itü, AQŞları marinnarına höcüm belän ber ük närsä. Bez monda yardämgä kildek , monnan qaçarğa cıyınmıybız. feridä xämit,praga
XS
SM
MD
LG