Accessibility links

пәнҗешәмбе, 8 декабрь 2016, Казан вакыты 01:28

Räsmi Bagdad: Äxmät Çalabi Ğiraqqa qaytsa qulğa alınaçaq


Ğiraq İdarä Şurasınıñ elekke äğzası Äxmät Çalabi häm anıñ tuğannan tuğanı Sälim Çalabi Ğiraqqa qaytqan oçraqta qulğa aılnaçaq. Bu belderüne bügen Ğiraq xäkime Zöhäir Äl-Mäliki yasadı. Äxmät Çalabi Ğiraqnıñ yalğan aqçaların yasawda ğäyeplänä. Saddamnı xökem itüçe mäxkämä başlığı bulıp torğan Sälim Çalabi isä yün ayında Finans Ministrlığı räsmien üterüdä qatnaşuda ğäyeplänä. Alarnıñ berese xäzer Livanda, ikençese Londonda. İkese dä bu ğäyepläwlärne kire qağa. Sälim Çalabi, min ul üterelgän keşene kürgänem yuq, dip belderde:

Audio (Sälim Çalabi)

"Min ul keşe belän qayçan da bulsa küreşkänemne xäterlämim, anıñ ofisında bulğanım yuq, aña yanağanım bulmadı, çönki anıñ kem ikänen belmim."

Ul arada waqıtlı premier Ayad Allawinıñ qoral taşlap Nacaftan kitergä çaqıruın Moqtada Äl-Sadr suğışçıları kire qaqtı. Sadr suğışçıları bügen Basrada britan xärbilärenä xöcüm itkän. Bagdadtan tönyaqqa taba Balad Ruz awılında maşinağa quyılğan bomba şartlaw näticäsendä kimendä 6 keşe ülgän, 16sı yaralanğan. Politsiä äyütençä, bu xöcüm Diyala gubernatorı urınbasarına yasalğan bulğan, ul yaralanğan.

XS
SM
MD
LG