Accessibility links

шимбә, 3 декабрь 2016, Казан вакыты 03:28

Taçıqstannıñ narkotiklarğa qarşı idarä başlığı Ğafur Mirzoev qulğa alındı


Taçıqstannıñ general prokurorı Bobocon Boboxonov narkotiklarğa qarşı idarä başlığı Ğafur Mirzoevnı qulğa alırğa kürsätmä birgän. Qanunsız qoral yörtü häm däwlät milken üzläşterüdä ğäyeplängän Mirzoev uzğan atnada totqarlanğan ide. Boboxonov süzlärençä, Mirzoev idaräsendä ütkärelgän tentülär waqıtında 3 meñ danä qanunsız qoral, ä anıñ milege sanalğan it eşkärtü şirkätendä xättä Stringer raketası tabılğan. Mirzoev Tacıqstanda watandaşlar suğışı yıllarında prezident gvardiäse citäkçese buluğa qaramastan, Tacıqstan opozitsiäse anı yaqlap çıqtı. İslam Yañarış partiäse citäkçese Said Abdullo Nuri bolay dide:

Audio (Said Abdullo Nuri)

"Ğafur Mirzoev belän söyläşep, köç qullanmıyça mäsälä çişep bula ide. Bezneñ çittäge doşmannar ministrlardan tügel, ä menä şundıy komandirlardan qurqa."

Räsmi ğäyepläwlär Mirzoevqa 10 kön eçendä beldereler dip kötelä.

XS
SM
MD
LG