Accessibility links

Кайнар хәбәр

Küwäyt ministrı Rusiä säfären Mäskäwdä tämamladı


Üzeneñ räsmi säfären Peterburdan başlağan, Küweytnıñ din häm waqıflar ministrı Şeyex Abdulla Maqtuq äl Maqtuq Tatarstanda bulğannan soñ, säfären Mäskäwdä tämamladı. Ul Mäskewdä Rusiäneñ möftilär şurasında bulıp, alar belän berlektä tışqı eşlär ministrlığında söyläşülär ütkärde, Mäskäw merı Yuriy Lujkov belän oçraştı, Rusiäneñ provaslav çirkäwe citäkçeläre belän räsmi küreşülärdä qatnaştı. Küweyt däwläteneñ Mäskäw möselmannarı belän qızıqsınuı inde küptännän bilege. Äle Mäskäwdä berençe tatar klassları oyışqan zamannarda, unbiş yıllap elek, alar tatar uquçıları törkemenä video-magnitafon büläk itüläre dä xäterdä qalğan. Bu yulı da ministr Mäskäwgä cämig mäçete tözeleşendä yärdämen täqdim itkän. Häm ike kön däwam itkän oçraşular näticäse itep, Rusiäneñ möftilär şurası belän Küweytnıñ din häm waqıflar ministrı arasında kileşü dä tözelgän. Bu oçraşu xaqında täfsille mäglümätne, Rusiäneñ Yevropa öleşe dini idaräse räise, Rusiäneñ möftilär şurası başlığı Rawil xäzrät Ğäynetdin citkerde.

Audio (Rawil xäzrät Ğäynetdin)
XS
SM
MD
LG