Accessibility links

İslamabadta Hindstan häm Paqstan räsmiläre oçraşa


Bügen biredä Paqstan häm Hindstan räsmiläre terror häm äfyünneñ taraluına qarşı çaralar turında söyläşer öçen oçraştı. Oçraşu ike kön däwam itäçäk. İslamabadtağı bu oçraşu – ike atom köndäşe Hindstan belän Paqstan arasındağı kierenkelekne yomşartu maqsatı belän oyıştırılğan çaralarnıñ çirattağısı bulıp tora. Köndälek "Xäbärlär" basmasına birgän äñgämäsendä, Paqstan prezidentı Pärwäz Möşärräf, sintäbr ayında Hindstan premyer-ministrı Manmohan Singh belän oçraşaçağın belderde. Şulay uq Möşärräf süzlärenä qarağanda, 4 atna däwam itkän xärbi çaralar waqıtında, ildäge islam suğışçılarınıñ 90%tı yuq itelgän, 20dän artıq Al Qaida belän bäyläneştä toruda şiklänelgän keşe qulğa alınğan.
XS
SM
MD
LG