Accessibility links

җомга, 9 декабрь 2016, Казан вакыты 22:24

Äfğanstanda prezident urnı öçen 18 namzät köräşäçäk


Äfğanstannıñ saylaw komissiäse Talibannan soñğı çornıñ berençe prezidentı urnı öçen köräşäçäk 18 namzätneñ isemnären iğlan itte. İsemlekneñ başında ilneñ waqıtlı prezidentı Hamid Qarzai häm anıñ töp köndäşe, elekke mäğärif ministrı Yunus Qanuni bar. Şulay uq Berläşkän Millätlär yardämendä qorılğan äfğan saylaw komissiäse – tönyaq Äfğanstandağı berniçä yulbaşçı kandidatlığın da rasladı, alar arasında üzbäk generalı Abdul Räşid Dostum bar. Äfğanstan prezidentı urını öçen köräşergä 23 namzät teläk beldergän bulğan. Alarnıñ 3se saylawaldı kampaniäsennän üz teläkläre belän töşep qalırğa qarar qabul itkän. Tağın ike namzät kiräkle 10 meñ tawış cıya almawı säbäple töşep qalğan. 40 äfğan qaçağınnan torğan törkem bügen İndonesiädä açlıq iğlan itte. Berläşkän Millätlär Oyışması alarğa qaçaq statusı birüdän baş tartıp äfğannarnıñ öçençe ber ilgä cibärelüen taläp itä. Xalıqara Migrasiä Oyışmasınıñ İndonesiädäge wäkile törkemdäge kimendä 18 keşe açlıq iğlan itte, dip belderde. Bu törkem Awstraliägä barışlıy totqarlanğan. Qaçaqlar ike yıl Migrasiä Oyışması qaramağında Jakartadağı oteldä yäşägän bulğan.

XS
SM
MD
LG