Accessibility links

дүшәмбе, 5 декабрь 2016, Казан вакыты 03:35

Respublikan Porter Gross CİAnıñ yaña başlığı itep bilgelände


AQŞ prezidentı George Bush bügen Üzäk Küzläw Agentlığı CİA başlığı itep Aq Yortnıñ küzläw idaräse citäkçese, respublikan Porter Grossnı bilgeläde. Agentlıqnıñ elekke başlığı George Tenet ber ay elek, 2001neñ 11nçe sintäberendäge terror höcüme turında küzläw mäğlümatläre bulmawı häm Ğiraqnıñ küpläp üterü qoralları turında nigezlänmägän xäbärlär mäs'äläsendäge basım sürätendä, bu wazifadan kitkän ide. Kongresstağı Florida ştatı wäkile Porter Grossnıñ bilgelänüen bügen prezident üze iğlan itte: "Porter Gross – Üzäk Küzläw Agentlığınıñ reformatorı bulaçaq. Min anıñ küzläw eşlären yañartu häm qullanu mäs'äläsendäge kiñäşlären kötäm, bu eştä şulay uq 11nçe sintäbr höcümnären tikşergän komissiä mäğlümatläre dä qullanılaçaq," dide George Bush. 65 yäşlek Gross elek tä CİA agentı bulıp eşlägän häm Quşma Ştatlar xärbi köçläreneñ küzläw ofiserı bulğan. Anı bu wazifada Senat raslarğa tieş.

XS
SM
MD
LG