Accessibility links

Кайнар хәбәр

AQŞ saqlanu ministrı Donald Rumsfeld Äfğanstanda saylawlarğa äzerlek barışın xupladı


Äfğanstanda NATOnıñ tınıçlıq saqlaw köçlärenä üz xärbilären cibärgän illär andağı ğaskärlär östennän kontrolne kimetergä qarar itte. Äfğanstanda üktäbrdä ütäçäk saylawlarğa qadär tärtip saqlar öçen Xalıqara İminlek Köçlärenä Yardäm İtü ğaskärläreneñ sanı 6 meñ yarımnan 8 meñ yarımğa qadär arttırıla. NATO köçläre başlığı general James Jones, bügen Qabulda matbuğat oçraşuında "ğaskärlärne çikläw – alarnıñ eşeneñ näticäsen kimetäçäk" dip belderde: "Däwlätlär, xärbi köçlärne çikläw – alarnıñ iminlek saqlaw eşenä naçar yoğıntı yasawın añlıy başladı. Min ışanam, bu – xärbi köçlärgä qurqınıç tudıra, çönki qarşı toruçılar – ğaskärlärneñ närsä eşli alğanın häm almağanın yaxşı belä. Häm alar höcüm äzerläsä – iñ berençe höcüm – iñ küp çiklängän xärbi köçlärgä bulaçaq" dide general. Moña qadär iminlek saqlawçı köçlärgä bäreleşlärgä häm xärbi çaralarğa qatnaşu tıyılğan ide. İSAF ğaskärlären düşämbedän üz kontrolenä alaçaq fransuz general-leytenantı Jean-Louis Py, xärbi köçlärgä kübräk ireklek biräçäk, dide Jones. Saylawlarğa äzerlek mäs'äläse bügen Äfğanstanğa kilgän amerikan saqlanu ministrı Donald Rumsfeldnıñ köntärtibendä dä bar ide. Rumsfeld prezident Hamid Qarzai häm Äfğanstannıñ başqa räsmi wäkilläre belän oçraştı. Prezident belän berlektä uzdırğan matbuğat oçraşuında Rumsfeld, Äfğanstanda saylawlarğa barğan äzerlekne xupladı, Äfğanstan – uñışlı, irekle häm ğadel saylawlar uzdıru yulında, dide.
XS
SM
MD
LG