Accessibility links

сишәмбе, 6 декабрь 2016, Казан вакыты 03:44

Nacafta bäreleşlärne tuqtatu öçen tırışlıq alıp barıla


Nacafta bügen çağıştırmaça tınıçlıq xökem sörä Kiçä ğıysyançı şığı ruxanise Muqtada al-Sadrneñ yardämçese Abdäl Hajı al Daraji Bagdadta mätbuğat oçraşuında barlıq ğıraqlılarnı Nacafnı yaqlarğa çaqırdı(audio) Barlıq ğıraqlılarnı tınıç räweştä Nacafqa barırğa häm İmam Ali Ğıybadätxanäsen saqlau öçen canlı qalqan buldırırğa çaqıram dide ul. Nacafta amerikan xärbiläre ğıybadätxanä urnaşqan şähär üzägen çolğap alğan. Muqtada al-Sadrnıñ ciñelçe yaralanuı , ämma anıñ suğış belän idarä itergä däwam itüe belderelde

Şığılarnıñ izge şähre Nacaf Saddam Xösäin xakimiätennän elek iki ğasır buyı möselmannarnıñ dini fänni üzäge bulıp tordı. İzge törbä belän bergä anda dönyanıñ in zur ziratı da urnaşqan 13 kwadrad kilometrlıq bu qabristanğa kümülügä şığılar zur märtäbä dip qarıy Nacafta aylardan birle radikal ruxani Muqtada al-Sadrnıñ mehdi suğışçıları tora. Atnakiç irtän meñnnärçä amerikan soldatı, ğıraq ğäskäriläre , tanka , boralaqlar belän Nacafta zur höcüm başlattı. AQŞ komandirları da Ğıraq xökümäte dä izge törbä-ğıybadätxanädä suğış alıp barmayaçaqbız , anıñ zarar kürmäwe öçen qulıbızdan kilgänne eşlärbez digän wäğdälär birde.Ämma Sadr suğışçları näk şunda urnaşqan. Sadr yardämçese elegeräk işetänegezçä barlıq ğıraqlılarnı Nacaftağı izge ğıybadätxanäne yaqlarğa, anıñ tiräsendä canlı qalqan buldırırğa çaqırdı. Bagdadta demonstrantlar Ğıraq xökümäte urnaşqan bina aldında rizasızlıq belderde (audio) Bombalau waqıtnda al-Sadr ciñelçe yaralanğan digän xabärlär yöri. Sadr taraftarların üze häläk bulsa da suğışqa däwam itergä öndäp kilä..Bagdadta bitlek kigän ber demonstrant bolay dip äytte(audio) Säyed –citäkçeneñ yaraları bezne ğorurlandıra, cihadqa öndi. Citäkçeneñ şäxit buluı başkütärüne köçländeräçäk kenä.İrtädän birle Sadr şähre qorban bulırğa äzer.al Sadrnıñ xakimiät körsesendä uturuına qarağanda yaralanuı bezne kübräk ğorurlandıra . Ämma Ğıraqnıñ eçke eşlär ministırı Falah al –Naqib bügen Sadr yaralanmağan waqıtlı xökümät belän törbädän çığıp kitü turında söyläşülär alıp bara dip äytte. Reuter Naqipqa tayanıp, atışlarnı tuqtatu köçtä , Sadr tınıç räweştä çığıp kitsä, aña zian kiterelmiäçäk dip belderde. Xabärlärgä qarağanda bügen Nacafta çağıştırmaça tınıçlıq xökem sörä. Räsmilär 9könnän birle barğan qorallı bäreleşlärne tuqtatu buyınça ğısyançılar belän söyläşä . Amerikan mayorı Bob Pizzateli bezneñ xärbilärgä älegä atışlarnı tuqtatu kürsätmäse birelde dip äytte Yaqın könçığıştağı qayber illär häm İran Nacaftağı bäreleşlärne şunduq tuqtatırğa çaqırdı. Tehranda bügen protst cıyınnnarı buldı. .İran xalıqara cämäğätçelek bu eşkä qatnaşırğa tieş digän qaraşta.Livanda tanılğan şığı ruxanisı izge urınnnar zararlansa, üç alınaçaq dip yanadı. Bügen Basrada Britan gazetası Sunday Telegraph jurnalistı James Brandon totıq itep alınğan dip belderelä.Ğıysyançılar, amerikannar 24 säğät eçendä Nacaftan çığıp kitmäsä totıqnı üterü belän kisätä

färidä xämit,praga
XS
SM
MD
LG