Accessibility links

җомга, 9 декабрь 2016, Казан вакыты 12:57

Sälix Säydäşev turında "Xalıq yazmışı moñnarı" isemle kitap dönya kürde


Bıyıl Salix Säydäşevnıñ wafat buluına 50 yıl tuluğa bağışlap, Salix Şihabetdin ulı Şämovnıñ ”Melodii sud'bı naroda” yäki “Xalıq yazmışı moñnarı”dip atalğan kitabı çıqtı. Bu kitapnı avtor publitsistika räweşendä yaza.Ul Salix Säydäşev turında üzeneñ istäleklären, mäşhür kompozitornıñ zamandaşlarınıñ xatirälären, fikerlären kiterä. Kitap illyustratsiälärgä bay bulmasa da, anda aqlı- qaralı fotolar ğına urnaştırılsa da , 154 bittän genä torğan kitapta, problemalı temalar da kütärelgän. Respublika gäzitlärendä comğa könne Salix Säydäşev turında berniçä mäqälä urın alğan . Alar arasında bu kitap turında törle qaraşlı fikerlär äytelgännäre dä bar. Mäsälän, ike tatar kompozitorı Näcip Cihanov belän Salix Säydäşev arasındağı qatlaulı mönäsäbätlär turında. Salix Säydäşev muzeyında küptän tügel genä kitapnı täqdir itü kiçäse uzdı. Kiçäne alıp barğan Tatarstannıñ xalıq artistı Qazan däwlät pedagogiä universitetı dotsentı Miñğol Ğäliev “Xalıq yazmışı moñnarı ”kitabı turında häm kiçädä kemnär qatnaşuı turında menä närsälär dide. Kitapnıñ avtorı, tarixçı häm kürenekle cämäğät eşleklese Salix Şämov- üzeneñ böten ğömeren Salix Säydäşewnı olılawğa häm anı mäñgeläşterügä bağışlağan keşe.Kitapta törle kürenekle şäxeslärneñ fikerläre bar. Bu üzençälekle obyektiv häm subyektiv fikerlärdän tözelgän, avtornıñ üzeneñ uyları belän yazılğan kitap. Häm ul bik tä kiräkle kitap. Kiçädä çığış yasawçılar arasında Taci Ğizzätneñ ulı Kazbek Ğıyzzätov, kürenekle xormeyster Venera Garayıva, kompozitorlardan Rinat Yenikeev, häm Äxmärovlar näselennän Üzbäk abıynıñ çığışları bik ähämiätle buldı . KDPU studentlarınıñ häm Qazan muzıka uçilişçesı studentlarınıñ Salix Säydäşve cırların başqaruı , Salix Säydäşevnıñ icatınıñ yäşlärdä yäşäwen kürsätä”–dide ul. Respublikada Salix Säydäşevqa bağışlanğan çaralar äle däwam itä. 14 avgustta Qızıl bayraqta bulaçaq bäyrämdä Tatarstannan Rezeda Ğalimova, Rafayıl' Säxäbiev, Zilä Söngätullina, Aydar Gabdinov, Gölnaz Murzina, Georgiy İbuşev, Rimma İbrahimova, Aydar Fäyzraxmanov, Emil' Cäläletdinov häm başqalar çığış yasayaçaqlar. Bäyrämgä Başqortstan häm Tatarstannıñ xalıq artistı İdris Ğaziev ta çaqırılğan. Ul Qazanda Salix Säydäşevka bağışlanğan televizion fil'm töşerüdä zur öleş kertkän, häm anıñ muzıkal' äsärlären başqarğan keşe. Qızıl bayraq awılında uzğan bäyräm turında aldağı tapşırularıbızda bez sezgä tulıraq itep söylärbez äle.

Mälikä Basıyr. .

XS
SM
MD
LG